इंगळी येथील बसवेश्वर यात्रेनिमित्त आयोजित कुस्ती स्पर्धेत आ.रा पाटील कन्या महाविद्यालयाने मिळवले घवघवीत यश.
इचलकरंजी
येथील श्री स्वामी विवेकानंद शिक्षण संस्था कोल्हापूर संचलित श्रीमती आक्काताई रामगोंडा पाटील कन्या महाविद्यालय इचलकरंजी मधील कुस्ती पैलवानांनी घवघवीत यश मिळवले.
जगत ज्योती श्री बसवेश्वर यात्रेनिमित्त भव्य महिला कुस्ती स्पर्धा आयोजित करण्यात आल्या होत्या. देसाई इंगळी तालुका चिकोडी जिल्हा बेळगाव येथील स्पर्धेत प्रथम क्रमांकाची कुस्ती महिला बसवेश्वर केसरी चांदीची गदा व किताब कन्या महाविद्यालयामधील पैलवान प्रतिमा कांबळे हिने मिळवला.यावेळी पैलवान बिशाल यादव हिची पैलवान प्रीती चीकोडी सोबत वीस मिनिटांच्या कुस्तीनंतर बरोबरीत सोडविण्यात आली. पैलवान ऋतुजा बिल्ले व पैलवान कोमल सूर्यवंशी विजयी झाल्या.तसेच पैलवान अक्षरा लोखंडे, अलविरा पाथरवट यांनी कुस्तीमध्ये सहभाग घेतला. महिला बसवेश्वर केसरी किताब व चांदीची गदा आपल्या कन्या महाविद्यालयामध्ये प्रथमच मिळाल्यामुळे कन्या महाविद्यालयाचे इंगळी कुस्ती कमिटीच्या वतीने कौतुक करण्यात आले.कमिटीचे अध्यक्ष गणपती धनवडे संजय खुर्ची, सिद्राम शेळके, प्रकाश पाटोळे यांनी आपल्या महिला पैलवानांचे भरभरून कौतुक केले. या पैलवानांना चंदूरचे पैलवान सचिन पुजारी (आण्णा) आंतरराष्ट्रीय कुस्ती संघटक, महाविद्यालयाचे माननीय प्राचार्य डॉ.बाबासाहेब दुधाळे, प्रा. डॉ.त्रिशला कदम, प्रा.संगीता पाटील, प्रा.सुधाकर इंडी, शारीरिक शिक्षण संचालक डॉ.सविता भोसले यांचे प्रोत्साहन लाभले.
