मदन कारंडे आज साधेपणाने अर्ज भरणार

इचलकरंजी : दिवाळीच्या पार्श्वभूमीवर अर्ज भरताना व्यापारी वर्ग किंवा सामान्य नागरिकांची गैरसोय होऊ नये म्हणून शक्ती प्रदर्शन न करता साध्या पद्धतीने शहरातील महापुरुषांना पुष्प अर्पण करून मंगळवारी २९ ऑकटोबर रोजी सकाळी उमेदवारी अर्ज भरणार असल्याचे महाविकास आघाडीचे उमेदवार मदन कारंडे यांनी सांगितले.

            येथील काँग्रेस कमिटी मध्ये महाविकास आघाडीच्या प्रमुख पदाधिकाऱ्यांची बैठक पार पडली. त्यावेळी ते बोलत होते.

               एकदिलाने काम केले तर विजय निश्चित आहे, आमदार प्रकाश आवाडे यांचा अहंकार मोडून काढायचा असून अहोरात्र काम करत कारंडे यांना निवडून आणायचे आहे, असा विश्वास माजी नगरसेवक प्रकाश मोरबाळे यांनी व्यक्त केला. यांच्यासह महाविकास आघाडीचे अन्य प्रमुख मंडळींनीही मनोगत व्यक्त केले.बैठकीमध्ये महाविकास आघाडीच्या पदाधिकारी व कार्यकर्त्यांनी मंगळवारी सकाळी दहा वाजता  काँग्रेस कमिटी येथे जमून येथून शहरातील महापुरुषांना पुष्पहार करून शिवतीर्थ ते प्रांत कार्यालय असा रूट असणार आहे.

         छत्रपती शिवाजी महाराजांना पुष्पहार अर्पण करून प्रांत कार्यालयात अर्ज भरण्यात येणार असल्याचे बैठकीत ठरले. यावेळी उमेदवार मदन कारंडे,  मँचेस्टर आघाडीचे प्रमुख सागर चाळके, काँग्रेसचे शशांक बावचकर, राहुल खंजीरे, अजित मामा जाधव, प्रकाश मोरबाळे, उदयसिंग पाटील सदा मलाबादे, बाबासो कोतवाल, उद्धव बाळासाहेब ठाकरेचे सयाजी चव्हाण, देवानंद कांबळे, अण्णा शेट्टी, अभिजीत रवंदे यांच्यासह महाविकास आघाडीचे पदाधिकारी व कार्यकर्ते उपस्थित होते.