इचलकरंजी महानगर पालिकेच्या नव्याने स्थापन केलेल्या नागरी सुविधा केंद्राचे (C.F.C) आयुक्त तथा प्रशासक ओमप्रकाश दिवटे यांच्या हस्ते उद्घाटन
इचलकरंजी
इचलकरंजी महानगर पालिकेच्या वतीने पुरविण्यात येत असलेल्या विविध सुविधा यामध्ये प्रामुख्याने जन्म – मृत्यू प्रमाणपत्र, विविध प्रकारचे दाखले त्याच बरोबर घरफाळा, पाणी पट्टी भरणा या सर्व सुविधा एकाच ठिकाणी उपलब्ध व्हाव्यात जेणेकरून नागरिकांची गैरसोय होणार नाही यासाठी आयुक्त तथा प्रशासक ओमप्रकाश दिवटे यांनी महानगरपालिका मुख्यालयात नागरी सुविधा केंद्र (C.F.C- सिटीझन फॅसिलिटी सेंटर) स्थापन करणेच्या सुचना दिलेल्या होत्या.
या अनुषंगाने महानगरपालिका मुख्यालयात स्थापन करणेत आलेल्या नागरी सुविधा केंद्राचे *(C.F.C.- सिटीझन फॅसिलिटी सेंटर)* उद्घाटन सोमवार दि.२५ नोव्हेंबर रोजी आयुक्त तथा प्रशासक ओमप्रकाश दिवटे यांच्या हस्ते तसेच अतिरिक्त आयुक्त सुषमा शिंदे आणि उपायुक्त प्रसाद काटकर यांच्या प्रमुख उपस्थितीत करणेत आले.
याप्रसंगी शहर अभियंता महेंद्र क्षिरसागर, सहा.आयुक्त रोशनी गोडे, विजय राजापुरे, मुख्य लेखा व वित्त अधिकारी विकास खोळपे , मुख्य लेखा परीक्षक आरती खोत, कार्यकारी अभियंता सुभाष देशपांडे, सहायक संचालक नगररचना प्रशांत भोसले, आरोग्य अधिकारी डॉ सुनिलदत्त संगेवार, सहा कर संकलन अधिकारी अरिफा नुलकर, क्रीडा अधिकारी संजय शेटे, सहा.क्रिडा अधिकारी संजय कांबळे, सदाशिव शिंदे,सदाशिव जाधव, प्रदीप झमरी यांचेसह महानगर पालिका अधिकारी तसेच कर विभागाकडील कर्मचारी उपस्थित होते.

Author: ICHMH51 NEWS ABHIJIT PATWA
घडामोडी वस्त्रनगरीच्या... इचलकरंजी शहरातील चालू घडामोडी, ब्रेकिंग न्यूज आपल्याला समजाव्यात यासाठी हे पोर्टल सुरू केले असून नागरी समस्यांना वाचा फोडून त्या मार्गी लावण्यासाठी आम्ही प्रयत्नशील आहोत. अधिक माहिती,बातम्या व जाहिरातीसाठी संपर्क- अभिजित राजेंद्र पटवा,इचलकरंजी. 9921600800