कचरा टाकण्याचा वादातून मारहाण शिवाजीनगर पोलिसात ८ जणांविरोधात परस्परविरोधी गुन्हे दाखल.

इचलकरंजी:

चंदूर आभार फाटा येथे कचरा दारात टाकण्याचा वादातून शिवाजीनगर पोलीस ठाण्यात दोन वेगवेगळ्या तक्रारी दाखल झाल्या आहेत, ज्यामधे ८ आरोपींच्या विरोधात परस्परविरोधी गुन्हे दाखल  करण्यात आले आहेत.

पहिल्या तक्रारीत, कचरा टाकण्यावरून कल्पना पुजारी, मनगू पुजारी, सौरभ पुजारी आणि लहू उर्फ अंकुश पुजारी यांच्यावर शारीरिक आणि मानसिक छळ करण्याचे आरोप करण्यात आले आहेत. यामध्ये जातीवाचक शिवीगाळ आणि शारिरिक लाथबुक्यांनी मारहाणीपर्यंतचा समावेश आहे.

दुसऱ्या तक्रारीत, मनीषा अनिल माने, अनिल माने,मनीषा हिची आई आणि मनीषा हिची बहीण यांच्यावर मारहाणीचे आरोप आहेत. यामध्ये मनीषा हिने काठीने डोक्यात आणि दगडाने पाठीवर मारहाण केली, तसेच अनिल माने याने विनयभंग करत फिर्यादीवर लज्जा उत्पन्न करणारे कृत्य केले. आरोपींनी फिर्यादीला धमकावून त्यांना कचरा टाकल्यास कडक कायदेशीर कारवाई करण्याची धमकी दिली.याप्रकरणी परस्परविरोधी फिर्यादी शिवाजीनगर पोलीस ठाण्यात दाखल झाल्या असुन पुढील तपास उपविभागीय पोलीस अधिकारी समीरसिंह साळवे व  पो.नि.सचिन पाटील करत आहेत.