जवाहर सहकारी बँकेचे, कल्लाप्पाण्णा आवाडे इचलकरंजी जनता सहकारी बँकेमध्ये विलीनीकरणास भारतीय रिझर्व्ह बँकेची परवानगी-स्वप्निल आवाडे

इचलकरंजी:

 जवाहर सहकारी बँक लि., हुपरी या बँकेचे कलाप्पाण्णा आवाडे इचलकरंजी जनता सहकारी बँकेस विलीनीकरण करणेस भारतीय रिझर्व्ह बँकेने मंजूरी दिलेली आहे.

याबाबतची माहिती देताना बँकेचे चेअरमन श्री स्वप्निल आवाडे म्हणाले, दि. ०७.०२.१९६३ रोजी, सहकारमहर्षि कल्लाप्पाण्णा आवाडेदादा यांच्या नेतृत्वाखाली उदयास आलेल्या व श्री प्रकाशआण्णा आवाडे यांच्या नुतन संकल्पनांच्या माध्यमातून सहकारी बँकींग क्षेत्रामध्ये लोकाभिमुख झालेल्या, कल्लाप्पाण्णा आवाडे इचलकरंजी जनता सहकारी बँकेमध्ये, जवाहर सहकारी बँकेचे विलीनीकरण करणेस भारतीय रिझर्व्ह बँकेने परवानगी दिलेली आहे. सदरचे विलीनीकरण दि. १०.०३.२०२५ इ. रोजी होणार असल्याचे सूतोवाच त्यांनी सदर प्रसंगी केले.

सदर प्रसंगी बोलताना ते म्हणाले, कल्लाप्पाण्णा आवाडे इचलकरंजी जनता बँकेमध्ये विलीनीकरण करण्यासाठी, जवाहर बँकेचे सध्याचे संचालक मंडळ, सभासद, ठेवीदार, ग्राहक व अधिकारी आणि कर्मचारी यांनी या बँकेचे, कल्लाप्पाण्णा आवाडे जनता बँकेमध्ये स्वेच्छा विलीनीकरणेस संमती दर्शविली ही बाब निश्चितच अभिमानास्पद व कौतुकास्पद आहे. जवाहर सहकारी बँकेच्या एकूण ठेवी या रु. १२० कोटी असून, रु. ६८ कोटींची कर्जे वितरीत केलेली आहेत. त्यामुळे, विलीनीकरणामुळे, कल्लाप्पाण्णा आवाडे जनता बँकेस, सहा शाखांसह, एकूण रु. २०० कोटींचा व्यवसाय मिळणार आहे. परिणामी, विलीनीकरणामुळे कल्लाप्पाण्णा आवाडे जनता बँकेच्या महाराष्ट्र व कर्नाटक राज्यामध्ये एकूण ५२ शाखा कार्यरत होणार आहेत.

कल्लाप्पाणा आवाडे इचलकरंजी जनता बैंक, सर्वसामान्य जनतेचे आर्थिक हित, समाजाचे कल्याण, अत्याधुनिक तांत्रिक सुविधा, सौहार्दपूर्ण सेवा, उद्योगधंदयाचा विकास आणि कौटुंबिक उन्नती करण्यासाठी प्रेरणा देणारी ही बँक असल्यामुळे, जवाहर सहकारी बँकेचे कल्लाप्पाण्णा आवाडे इचलकरंजी जनता बँकेमध्ये विलीनीकरण करण्याचा साहसी निर्णय जवाहर बँकेच्या व्यवस्थापनाने घेतलेला आहे.

जवाहर सहकारी बँक, कल्लाप्पाण्णा आवाडे इचलकरंजी जनता सहकारी बँकेमध्ये विलीन झाल्यामुळे, जवाहर बँकेच्या ठेवीदारांना, सभासदांना आणि ग्राहकांना कल्लाप्पाण्णा आवाडे इचलकरंजी जनता बँकेकडून ज्या ठेवीच्या, कर्जाच्या तसेच मोबाईल बँकींग, इंटरनेट बँकींग व तद्नुषंगिक डिजीटल सुविधा सभासदांना व ग्राहकांना दिल्या जात देत आहेत, त्या सर्व सुविधा जवाहर बँकेच्या ग्राहकांना दिल्या जाणार आहेत. विलीनीकरणानंतर जवाहर सहकारी बँकेचे सर्व ठेवीदार, कर्जदार, सभासद, ग्राहक, अधिकारी व सेवक है जनता बँक परिवाराचा एक अविभाज्य अंग म्हणून ओळखले जाणार आहेत. त्यामुळे जवाहर सहकारी बँकेच्या कोणत्याही ठेवीदाराने, कर्जदाराने, सभासदाने किंवा ग्राहकाने, आपले बँकींग व्यवहार कल्लाप्पाण्णा आवाडे जनता बँकेच्या माध्यमातून करावेत असे आवाहन केले व बँकींग व्यवहार करण्यासाठी नजिकच्या शाखेशी संपर्क साधण्याची विनंती केली. कल्लाप्पाण्णा आवाडे इचलकरंजी जनता सहकारी बँक ही जवाहर सहकारी बँकेच्या ठेवीदारांच्या ठेवींचे आर्थिक हितरक्षण करण्यासाठी सदैव कटिबध्द आहे असा विश्वास दिला.कल्लाप्पाण्णा आवाडे जनता बँकेच्या ६२ वर्षाच्या कालावधीमध्ये हे तिसरे विलीनीकरण आहे. यापूर्वी पुणे जिल्ह्यामध्ये व्हावा या उदात्त हेतूने, बँकेने दि. ०१.०७.१९९४ इ. रोजी पुण्यातील डेक्कन को-ऑप. बँकेचे आपल्या बँकेमध्ये विलीनीकरण करून घेतले. तसेच पुढे, कर्नाटक राज्यामध्ये शाखा विस्तार करण्यासाठी, बँकेने दि. १०.१०.२०११ इ. रोजी, तत्कालीन नवकल्याण को-ऑप. बँकेचे आपल्या बँकेमध्ये विलीनीकरण करून घेतले व बँक आता कर्नाटक व महाराष्ट्र राज्यामध्ये लोकाभिमुख झालेली आहे व सर्वसामान्य जनतेच्या आर्थिक हितास कटिबध्द आहे याचा सार्थ अभिमान असल्याचे गौरवोद्‌गार काढले. इतकेच नव्हे तर, लवकरच बँकेच्या कर्नाटक राज्यामध्ये हारुणेरी व अथणी येथे दोन नवीन शाखा सुरु होत असून, बँकेच्या एकूण ५४ शाखांच्या माध्यमातून, कल्लाप्पाण्णा आवाडे जनता बँकेची यशस्वी घोडदौड महाराष्ट्र व कर्नाटक राज्यामध्ये होणार असल्याचा निर्वाळा दिला व बँक येथून पुढील काळातही अशीच चौफेर करणार असल्याचा विश्वास व्यक्त केला.

जवाहर सहकारी बँकेचे, कल्लाप्पाण्णा आवाडे जनता बँकेमध्ये विलीनीकरण करणेसाठी जवाहर सहकारी बँकेचे संचालक मंडळ, अधिकारी, कर्मचारी, सभासद, ठेवीदार तसेच कल्लाप्पाण्णा आवाडे जनता सहकारी बँकेचे सर्व संचालक, अधिकारी व कर्मचारी यांच्या वेळोवेळी मिळालेल्या सहकार्याबद्दल त्यांचे मनस्वी आभार मानले.

सदर प्रसंगी बँकेचे व्हा. चेअरमन सीए संजयकुमार अनिगोळ, व्यवस्थापकीय मंडळाचे अध्यक्ष सीए चंद्रकांत चौगुले,सुभाष जाधव,सारंग जोशी,महेश सातपुते,सचिन देवरूखकर यांच्यासह सर्व संचालक मंडळ, मुख्य कार्यकारी अधिकारी संजय शिरगावे, जनरल मॅनेजर किरण पाटील, दिपक पाटील व बँकेचे अन्य अधिकारी व कर्मचारी उपस्थित होते.