आपटे वाचन मंदिर येथे वाचन संस्कार शिबिराचे आयोजन

इचलकरंजी (ता.१५) – शतकोत्तर सुवर्णमहोत्सवी आपटे वाचन मंदिर येथे गुरुवार दि. २४ एप्रिल २०२५ ते बुधवार दि.३० एप्रिल २०२५ पर्यंत ग्रंथालयाच्या हॉलमध्ये सायंकाळी ५ ते ७ या वेळेत वाचन संस्कार शिबिर आयोजित केले आहे. आजच्या बाह्यआकर्षण वाढविणाऱ्या युगात वाचन संस्कृती जपावी. पुस्तके कोणती कशी वाचावीत हे मुलांना कळावे वाचनाची गोडी लागावी हा या शिबिराचा हेतू आहे. या शिबिरात काही बाल साहित्यिकही मार्गदर्शनासाठी येणार आहेत. या शिबिरासाठी प्रवेश शुल्क रु.२५/- इतके राहील. शाळेच्या मुख्याध्यापकांचे शिफारस पत्र आवश्यक आहे. तरी इ. ७ वी परीक्षा दिलेल्या विद्यार्थ्यांनी या शिबिराचा लाभ घ्यावा.