कोरोची येथे जुन्या वादातून तरुणावर हल्ला; पाच आरोपींविरुद्ध गुन्हा दाखल

कोरोची येथे जुन्या वादातून तरुणावर हल्ला; पाच आरोपींविरुद्ध गुन्हा दाखल

कोरोची :
जुन्या वादातून पाच जणांच्या टोळीने एकत्र येत तरुणास शिवीगाळ, मारहाण आणि घराचे नुकसान केल्याची घटना कोरोची येथे घडली. याप्रकरणी शहापूर पोलीस ठाण्यात पाच जणांविरुद्ध गंभीर गुन्ह्यांची नोंद करण्यात आली आहे.

दिप वर्धमान उपाध्ये (वय २४ व्यवसाय – शेती, रा. जैन मंदिराजवळ, गावभाव, कोरोची) यांनी या प्रकरणी फिर्याद दिली आहे.

आरोपी ओंकार चव्हाण, रोहन सूर्यवंशी, संकेत शेवाळे, संदीप मेंडगुळे आणि साजिद मुल्ला (सर्व रा. कोरोची) यांनी शनिवारी रात्री ९ वाजता समाज मंदिर समोर रोडवर आणि नंतर रात्री १०.३० वाजता फिर्यादीच्या घरासमोर जैन मंदिराजवळ, गावभाव, कोरोची येथे फिर्यादीस शिवीगाळ केली. कॉलर पकडून धक्काबुक्की केली आणि खिडक्यांच्या काचा व घरासमोरील कुंड्या फोडून नुकसान केले.या प्रकरणी शहापूर पोलीस ठाण्यात गुन्हा दाखल करण्यात आला आहे.गुन्हा पो.हे.कॉ.कांबळे यांनी दाखल केला असून, पुढील तपास पो.ना. वडगावे करत आहेत.