बाळनाथ महाराज मठात आज भेदिक व कलगीतुरा कार्यक्रम

बाळनाथ महाराज मठात आज भेदिक व कलगीतुरा कार्यक्रम

इचलकरंजी :

येथील परमपूज्य सद्गुरु बाळनाथ महाराज मठात नागपंचमी निमित्त मंगळवार, २९ जुलै रोजी सायंकाळी ५ वाजता संगीतमय भेदिक आणि कलगीतुरा कार्यक्रमाचे आयोजन करण्यात आले आहे. श्रावण महिन्यातील या पवित्र दिवशी बाळनाथ महाराज लिखित पोवाडा व शायरी स्वरूपात भेदिक सादर करण्याची परंपरा त्यांच्या समाधीनंतरही अखंड सुरू आहे. या कार्यक्रमात कवलापूर व बहादूरवाडी येथील नामवंत कलाकार सहभागी होणार असून, विविध सांस्कृतिक सादरीकरणे होणार आहेत. भक्तिभाव, संगीत आणि पारंपरिक कलांचा संगम घडवणारा हा कार्यक्रम भक्तांसाठी एक पर्वणी ठरणार आहे. मठ प्रशासनाने सर्व भक्तजनांना या कार्यक्रमाचा लाभ घेण्याचे आवाहन केले आहे.सदरचा कार्यक्रम झेंडा चौक ते  महादेव मंदिर रस्त्यावर असणाऱ्या बाळनाथ महाराज मठात होईल.