सामुहिक प्रोत्साहन योजनेतील त्रुटी दूर करण्यास राहुल आवाडेंना यश

सुक्ष्म, लघू व मध्यम उद्योजकांचा २०१५ पासून प्रलंबित ग्रामिण बांधकाम परवाना व व्याज अनुदानाचा प्रश्न आमदार राहुल आवाडे यांनी उद्योग मंत्रालयाशी सातत्याने पाठपुरावा करून दि. २४ जून २०२५ व दि. ०९ जुलै २०२५ असे दोन स्वतंत्र शासन निर्णय निर्गमीत करून घेतले.

यानंतर सामुहिक प्रोत्साहन योजना २०१३ व २०१९ योजनेची माहिती घेतल्यानंतर असे लक्षात आले की, सदरची योजना बंद असल्याकारणाने उद्योजकांनी अर्ज दाखल केलेले नाहीत अथवा दाखल करून घेतलेले नाहीत. यानंतर पुन्हा एकदा आमदार राहुल आवाडे यांनी याप्रश्नी प्रयत्न व पाठपुरावा करून दि. ३० जुलै २०२५ रोजी एक परिपत्रक निर्गमीत करून घेतलेले आहे. या परिपत्रकाप्रमाणे ज्या उद्योजकांचा दि. १५ मे २०१५ पुर्वीचा ग्रामपंचायतीचा बांधकाम परवाना आहे अशा उद्योजकांना आता दि. ३१ ऑक्टोंबर २०२५ पर्यंत ऑनलाईन / ऑफलाईन पद्धतीने अर्ज करण्याची मुदत मिळालेली आहे. यामुळे ग्रामिण भागात उद्योग उभा केलेल्या अंदाजे ४०० उद्योजकांना याचा फायदा होणार आहे. तरी अशा उद्योजकांनी लवकरात लवकर उद्योग संचालनालय / संबंधित विभागीय कार्यालय / जिल्हा उद्योग केंद्र यांच्याकडे ऑनलाईन / ऑफलाईन पद्धतीने अर्ज करावेत अशी माहिती दि इचलकरंजी पॉवरलुम असोसिएशनचे अध्यक्ष चंद्रकांत पाटील यांनी प्रसिद्धीपत्रकाद्वारे दिलेली आहे.