मदन कारंडे यांच्या जनसंपर्क कार्यालयाचे उद्घाटन
इचलकरंजी:
जनतेशी संवाद साधता यावा, त्यांच्या समस्या जाणुन घेता याव्यात यासाठी हक्काचं ठिकाणी असावं या उद्देशाने राष्ट्रवादी काँग्रेस शरद पवार गटाचे प्रांतिक सदस्य मदन कारंडे यांनी विक्रमनगरमध्ये जनसंपर्क कार्यालय सुरु केले आहे. या कार्यालयाचे उद्घाटन वीज तज्ञ आणि समाजवादी पार्टीचे प्रदेश कार्याध्यक्ष प्रताप होगाडे यांच्या हस्ते करण्यात आले.
मदन कारंडे हे गेली ३५ वर्षे सहकार, सामाजिक आणि राजकीय क्षेत्रात सक्रीय आहेत. या प्रदिर्घ कालावधीत कारंडे यांनी नेहमीच जनहिताला प्राधान्य दिले. १९९१ ला ते इचलकरंजी नगरपालिकेचे नगरसेवक झाले आणि आता राष्ट्रवादी काँग्रेस पक्षात ते प्रांतिक सदस्य म्हणून कार्यरत आहेत. बालाजी सोशल फौंडेशनच्या माध्यमातून त्यांनी नुकतेच इचलकरंजी विधानसभा मतदारसंघात महाआरोग्य शिबीर घेतले. यामध्ये हजारो नागरीकांची आरोग्य तपासणी करण्यात आली. तर आवश्यकतेनुसार चष्मे, शस्त्रक्रीया आणि शासकीय मदत करण्यात आली.
जनतेचे प्रश्‍न सोडवण्यासाठी नेहमीच तत्पर असलेल्या कारंडे यांना जनतेला आपल्या समस्या सोडवण्यासाठी लोकप्रतिनिधीशी संपर्क साधताना अडचणी येतात हे लक्षात आले. त्यामुळे त्यांनी विक्रमनगरमधील घाटगे बिल्डींगमध्ये जनसंपर्क कार्यालय सुरु केले आहे. या कार्यालयाचे उद्घाटन समाजवादी पार्टीचे प्रदेश कार्याध्यक्ष प्रताप होगाडे यांच्या हस्ते करण्यात आले. यावेळी होगाडे आणि कारंडे यांनी शासनाच्या विविध योजना जनतेपर्यंत पोहचवण्यासाठी आणि जनतेच्या समस्या सोडवण्यासाठी या कार्यालयाशी संपर्क साधण्याचे आवाहन केले.
दिवसभरात शुभेच्छा देण्यासाठी माजी उपनगराध्यक्ष सुनील महाजन, माजी नगरसेवक सागर चाळके, प्रकाश मोरबाळे, सुहास जांभळे, सदा मलाबादे, उदयसिंग पाटील, अमरजीत जाधव, नितीन कोकणे, प्रधान माळी, बाजीराव कुंभार, मच्छिंद्र नगारे, संजय कांबळे, संजय अथणे, मंगेश कांबुरे, बबन घाटगे, रामदास कोळी, माधुरी सातपुते, सयाजी चव्हाण, रणजित शिंदे, युसुफ दुर्ग, नागेश शेजाळे यांच्यासह विविध क्षेत्रातील मान्यवर आणि नागरीक उपस्थित होते.
