इंदिरा गांधी रुग्णालयात दर्जेदार सेवा पुरविण्यासंदर्भात जिल्हाधिकारी कार्यालयातील बैठकीत विविध निर्णय.
इचलकरंजी
इचलकरंजी शहर जिल्हा राष्ट्रवादी काँग्रेस अध्यक्ष विठ्ठल चोपडे यांच्या मागणीप्रमाणे माननीय पालकमंत्री नामदार हसन मुश्रीफ साहेब यांचे उपस्थितीत जिल्हाधिकारी कार्यालयातील बैठकीत आज विविध निर्णय घेण्यात आले. यामध्ये औषधांसाठी डीपीडीसीतून ४५ लाख रुपये देणे,बीपी आणि शुगरची औषधे नियमित उपलब्ध करून देणे,रेबीज लसीचा मागणीप्रमाणे पुरवठा करणे,एक फिजिशियन उपलब्ध करून देणे,कंत्राटी पद्धतीने दोन सर्जन रुग्णालयाला देणे, सीसीटीव्ही करिता जिल्हा नियोजन समितीकडून ७० लाख रुपयांचा निधी देणे,
पीपीपी तत्त्वावर एमआरआय मशीन उपलब्ध करून देणे,डायलिसिस विभाग एक महिन्यांमध्ये चालू करणे,रुग्णालयाकरिता सौर विद्युत प्रकल्प प्रस्थापित करणे करिता महाऊर्जा कडून मंजुरीसाठी प्रयत्न करणे,जिल्हाधिकारी यांनी उर्वरित प्रश्नांबाबत रुग्णालयास समक्ष भेट देऊन प्रश्नांची निर्गत करणे असे निर्णय घेण्यात आले.
बैठकीसाठी जिल्हाधिकारी अमोल येडगे, जिल्हा शल्यचिकित्सक सुप्रिया देशमुख,इंदिरा गांधी सामान्य रुग्णालयाचे वैद्यकीय अधीक्षक नंदकुमार बनगे, निवासी वैद्यकीय अधिकारी डॉ अमित सोहनी, प्रशासन अधिकारी राजू पाटील यांच्यासह सुभाष मालपाणी,अमित गाताडे, अशोक पाटील, सलीम ढालाईत, अनिकेत चव्हाण, राजेंद्र शिंदे उपस्थित होते
