दि लक्ष्मी को.ऑप. प्रोसेस झाली कर्जमुक्त, संस्थेच्या वार्षिक सभेत चेअरमन मुकुंद फाटक यांची माहिती   

इचलकरंजी

              एन.सी.डी.सी.च्या प्रस्तावाच्या आधिच राहून त्यांच्या सर्व अटी व शर्थींची पूर्तता करत देय रक्कम भरल्याने दि लक्ष्मी को.ऑप. प्रोसेस पूर्णपणे कर्जमुक्त झाल्याची महत्वपूर्ण माहिती चेअमन मुकुंद फाटक यांनी संस्थेच्या ६७ व्या वार्षिक सर्वसाधारण सभेत बोलताना दिली.

                  सन २०२३-२४च्या आर्थिक वर्षात एन.सी.डी.सी.कर्जापोटी ५५लाखाचा  भरणा  करुन गतवर्षीच्या वार्षिक सभेत प्रोसेस लवकरच कर्जमुक्त होईल असा संकल्प जाहीर करण्यात आला होता.त्याप्रमाणे ३१ऑगस्ट २०२४ रोजी आणखि उर्वरित २५ लाख भरुन संस्था कर्जमुक्त केलेचे या  सभेत स्पष्ट करण्यात आले.

              नाकोडानगरातील रोटरी सेंट्रल सभागृहात आयोजित केलेल्या यंदाच्या वार्षिक सभेत चेअरमन  मुकुंद फाटक यांनी ही आनंददायी माहिती सांगताच उपस्थित सभासदांनी टाळ्यांच्या गजरात संस्थेच्या संचालक मंडळासह प्रशासनाचे अभिनंदन केले. तसेच चेअरमन मुकुंद फाटक व व्हा.चेअरमन राजाराम लोकरे यांचा यावेळी सभासदांच्यावतीने सत्कारही केला.

    वस्त्रोद्योगातील कठीण परिस्थितीतही व्यवस्थापनाच्या कौश्यल्यामुळे संपूर्ण पश्‍चिम महाराष्ट्रात समाधानकारक व नफ्यात चालणारी संस्था म्हणजे दि लक्ष्मी को.ऑप.प्रोफेसर्स ही संस्था होय. वस्त्रोद्योगातील मंदी,कामगारांच्या समस्या, वित्तीय संस्थांची कर्जे व अलीकडील कोरानाचा मोठा फटका अशा संकटांचे मोठे अघात होऊनही केवळ सभासदांचा व व्यापारी वर्गाच्या विश्वासामुळे या संस्थेने आपले अस्तित्व राखण्यात यश मिळवले असल्याचे चेअरमन मुकुंद फाटक यांनी या सभेत खास उल्लेख केला.संस्था उर्जा क्षेत्रात स्वयंपूर्ण होणार होणार असून वीज उत्पादनासाठी लवकरच जत किंवा कवठेमहांकाळ या ठिकाणी यंत्रणा उभारण्यात येणार असल्याची उल्लेखनीय माहितीही फाटक यांनी दिली.

प्रारंभी व्हाईस चेअरमन राजाराम लोकरे यांनी स्वागत व प्रास्ताविक केले तसेच दिवंगत    सभासद, मान्यवर व्यक्तींच्या श्रध्दांजलीचा ठरावही मांडला.विषय पत्रिका व नोटीस वाचन मॅनेजर मधुकर पाटील यांनी कले तर चेअरमन मुकुंद फाटक यांनी अहवाल सादर केला यावेळी उपस्थित सभासदांनी सर्व विषय एकमताने मंजूर केले.संदीप मोघे,शामराव कुलकर्णी, गजाननराव सुलतानपुरे यांनी मनोगत व्यक्त केले.

   संदीप मोघे , अजित खंजिरे,जयंतीलाल पटेल,सौ.मंजुषा बाळकृष्ण वरुटे व कामगारनेते शामराव कुलकर्णी यांचा या सभेत सत्कार करण्यात आला.

 संचालक अनंत लोले यांनी आभार मानले तर सुत्रसंचालन सतीश बुरसे यांनी केले

    सभेला मारुती कुंभार,यशवंत शिंदे,उमेश कुलकर्णी,नीळकंठ गोरे,विजय सदामते,महादेव बडवे,अनंत लोले,आकाश कोरवी,सौ.मंजुषा वरुटे,सौ.सुवर्णा कानडे, आदी संचालकासह मनोहर नवनाळे आदी मान्यवर सभासद या सभेला उपस्थित होते.