महानगरपालिका राजर्षी छत्रपती शाहू हायस्कूल कडील ५ शिक्षकांना वरीष्ठ वेतनश्रेणी मंजूर तसेच प्राथमिक शिक्षण विभागा कडील ३ शिक्षकांना मुख्याध्यापक पदी पदोन्नती.
इचलकरंजी
इचलकरंजी महानगरपालिका पदोन्नती समितीची बैठक आज आयुक्त तथा प्रशासक ओमप्रकाश दिवटे यांच्या अध्यक्षतेखाली संपन्न झाली.
सदर बैठकीमध्ये राजर्षी छत्रपती शाहू हायस्कूल कडील श्रीमती उमा जाधव, प्रविण पाटील, श्रीमती अर्चना पाटील, श्रीमती शामल ढोले, श्रीमती मंदाकिनी कुंभार या पाच शिक्षकांना १२ वर्षांनंतरची नियमित सेवेनंतर मिळणाऱ्या वरिष्ठ वेतनश्रेणीचा लाभ देणेचा निर्णय करणेत आला.
त्याचबरोबर महानगरपालिका प्राथमिक शिक्षण विभागाकडील पांडुरंग विष्णू शिऊडकर, राजाराम परशुराम भांदुगरे, अर्जुन शंकर रानमाळे या तीन शिक्षकांना मुख्याध्यापक पदी पदोन्नती देणेत आली.
या बैठकीस अतिरिक्त आयुक्त प्रसाद काटकर, उपायुक्त स्मृती पाटील, सहा.आयुक्त विजय राजापुरे, प्रशासन अधिकारी इरफान पटेल आणि शाहु हायस्कूल मुख्याध्यापक शंकर पोवार आदी पदोन्नती समितीचे सदस्य उपस्थित होते.
