‘स्वच्छता ही सेवा २०२४’ अभियान अंतर्गत स्वच्छता पंधरवडा उपक्रमाचे उद्घाटन संपन्न

इचलकरंजी

भारत सरकारच्या ‘स्वच्छता हि सेवा” हा उपक्रम संपुर्ण देशात दि. १७ सप्टेंबर २०२४ ते दि.०२ ऑक्टोबर २०२४ या कालावधीत राबविणेत येणार आहे. सदर उपक्रमाचा मुख्य उद्देश ‘स्वभाव स्वच्छता’,  ‘संस्कार स्वच्छता’ असा असून या अंतर्गत शहरात स्वच्छता, स्वच्छतेबाबत जनजागृती स्वच्छता मोहिम असे विविध उपक्रम राबविणेत येणार आहेत.

       सदर कार्यक्रमाचे उद्घाटन आज शुक्रवार दि.२० सप्टेंबर २०२४ रोजी आयुक्त तथा प्रशासक ओमप्रकाश दिवटे यांच्या प्रमुख उपस्थितीत महानगर पालिका प्रांगणात संपन्न झाला .

                    आजच्या या कार्यक्रमात आयुक्त तथा प्रशासक ओमप्रकाश दिवटे यांनी आपले इचलकरंजी शहर स्वच्छ, सुंदर आणि हरीत करणेसाठी सर्व शहरवासीयांनी महानगरपालिकेससहकार्य करावे असे आवाहन केले.

   त्याचबरोबर स्वच्छता दुत गजानन महाराज गुरुजी, ब्रँड अँबेसिडर शामसुंदर मर्दा, रोटरी क्लबचे गिरीश कुलकर्णी, ज्ञानेश्वर मुळे फौंडेशनच्या अनिता कुंभार,

तसेच शालेय विद्यार्थ्यांनी स्वच्छता आणि पर्यावरणाच्या रक्षणाच्या दृष्टीने आपण सर्वांनी एकत्र येऊन प्रयत्न करणेबाबत मनोगत व्यक्त केले.

           सदर कार्यक्रमा वेळी उपस्थित सर्व मान्यवरांनी तसेच उपस्थित अधिकारी कर्मचारी यांनी स्वच्छतेची शपथ घेतली.

            आज  या उपक्रमाच्या अनुषंगाने शालेय विद्यार्थ्यांनी स्वच्छता विषयक गाण्यावर समुह नृत्य सादर केले तसेच सांगली येथील कलाकारांनी स्वच्छता विषयक पथनाट्याचे सादरीकरण केले. यानंतर सर्व मान्यवरांच्या उपस्थितीत जय भीम झोपडपट्टी परिसरामध्ये स्वच्छता मोहीम राबविणेत आली.

       याप्रसंगी अतिरिक्त आयुक्त प्रसाद काटकर, उपायुक्त स्मृती पाटील, उपायुक्त सोमनाथ आढाव, सहा आयुक्त विजय कावळे, सहा आयुक्त रोशनी गोडे, सहा आयुक्त केतन गुजर, सहा आयुक्त विजय राजापुरे, आरोग्य अधिकारी डॉ. सुनिलदत्त संगेवार, प्रशासन अधिकारी इरफान पटेल, शाहू हायस्कूल मुख्याध्यापक शंकर पोवार स्वच्छता दुत गजानन महाजन गुरुजी, शहराचे ब्रँड अँबेसेडर शामसुंदर मर्दा, पुंडलिक भाऊ जाधव, रोटरी क्लब ऑफ एक्झिक्युटिव्ह इचलकरंजीचे गिरीश कुलकर्णी, डॉ.विजया पोतदार, चित्कला कुलकर्णी,नेहा कुंभार, डॉ, राजेश कुंभार, शितल दत्तवाडे, राजु रजपुते, यांचेसह महानगरपालिका अधिकारी कर्मचारी, प्राथमिक शिक्षण विभागाचे मुख्याध्यापक /मुख्याध्यापिका, शिक्षक, राजकीय पक्षांचे प्रतिनिधी, पत्रकार, एन.सी.सी.चे विद्यार्थी मोठ्या संख्येने उपस्थित होते.