टेंपोचालकांची धोकादायक वाहतुक सुरूच.लालकापड बांधून नियम मोडण्याची परवानगी कोणी दिली?

टेंपोचालकांची धोकादायक वाहतुक सुरूच.लालकापड बांधून नियम मोडण्याची परवानगी कोणी दिली?

इचलकरंजी

इचलकरंजी शहरात टेंपोचालकांकडून धोकादायक वाहतूक सुरूच असून २ महिन्यांपूर्वी एकाचा जीव जाऊनही काही टेंपोचालकांच्या अरेरावीने नागरिकांच्या जीवाला धोका निर्माण होत आहे.

वाहतूक पोलिसांकडून सांगितल्यावरच जुजबी कारवाई होत असून तोपर्यत बघ्याची भुमिका घेण्यामागे कोणता अर्थ दडला आहे अशी उघड विचारणा आता नागरिकांतून होऊ लागली आहे.

वस्त्रोद्योग इचलकरंजी शहराचा प्रमुख व्यवसाय आहे,सायझिंगमधून बिमे कारखानदाराना पोहोच करणे हे काम टेंपोचालक वर्षानुवर्षे करत आहेत,सद्यस्थितीत आधुनिक यंत्रमागामुळे मोठ्या आकाराचे साधारण सव्वा ते दीड टनाचे एक बीम होऊ लागले आहे,ते पोहोच करण्यासाठी लहान टेंपोचा वापर केल्याने ते वाहनाच्या बाहेर येते.यातून छोटेमोठे अपघात घडत असतात.२ महिन्यांपूर्वी एक अपघातात दुचाकीवरील सेंट्रीग कामगाराचा मृत्यू झाला होता.त्याचा अक्षरशः मेंदू बिमाला चिकटला होता.

याबाबत इनामने सायझिंग असोसिएशनला निवेदन दिल्यानंतर त्यांनी १५ दिवसात यामध्ये सुधारणा करण्याचे आश्वासन दिले होते.

एकीकडे पोलिसांनी कारवाई सुरू केल्यानंतर टेंपोचालकांनी संप पुकारला त्यांची शहापूर पोलीस ठाण्यात उपविभागीय पोलीस अधिकारी यांच्यासमवेत बैठक झाली होती,त्यावेळी नियमबाह्य वाहतूक करता येणार नाही असे ठरले असताना काही प्रमाणात कमी वेगात लाल कापड झाकून पर्यायी मार्गाने वाहतूक सुरु होती.त्यानुसार बऱ्यापैकी टेम्पोचालकानी सुधारणा केली परंतु काही मोजक्या टेंपोचालकांकडून सर्रास धोकादायक वाहतूक सुरू आहे.

याकडे वाहतूक पोलीसही निदर्शनास आणून दिल्यावर कारवाईं करत आहेत.यामागे कुणाचा दबाव आहे आणि कोण धोकादायक वाहतुकीस पाठीशी घालत आहे? नागरिकांच्या जिवापेक्षा कोणता व्यवसाय मोठा आहे का अशीही विचारणा होत असून त्वरित धोकादायक वाहतूक बंद व्हावी अशी मागणी जोर धरत आहे.