इचलकरंजीच्या विकासात बिल्डर्स असोसिएशनचा मोठा वाटा-आ.प्रकाश आवाडे
इचलकरंजी:
शहराच्या विकासामध्ये बिल्डर्स असोशिएशनचा महत्वाचा वाटा आहे. भविष्यातही असोशिएशनने याच पध्दतीने आपले कामकाज सुरु ठेवून वस्त्रनगरीचा नांवलौकिक वाढवावा. बांधकाम क्षेत्रात येणार्‍या अडीअडचणी व समस्या सोडविण्यासाठी केंद्र व राज्य शासनाकडे प्रयत्न करु, अशी ग्वाही आमदार प्रकाश आवाडे यांनी दिली. हिराणी परिवाराचे वस्त्रनगरीच्या विकासात मोठे योगदान असून बिल्डर्स असोशिएशनने स्व. ब्रिजमल जमयतराय हिरानी यांना मरणोत्तर ‘जीवन गौरव’ पुरस्कार देऊन खर्‍या अर्थाने सन्मान केल्याचे गौरवोद्गारही आमदार आवाडे यांनी काढले.
बांधकाम क्षेत्रातील संबंधित बिल्डर्स, कॉन्ट्रॅक्टर, सप्लायर्स, इंजिनिअर्स व संबंधित घटकांची शिखर संस्था असलेल्या राष्ट्रीय पातळीवर कार्यरत बिल्डर्स असोशिएशन ऑफ इंडिया इचलकरंजी सेंटरच्या स्वमालकीच्या इमारतीतील नुतन कार्यालयाचे उद्घाटन, नुतन पदाधिकार्‍यांचा पदग्रहण समारंभ आणि जीवन गौरव तसेच गुणवंत कामगार पुरस्कारांचे वितरण असा संयुक्त सोहळा बी.ए.आय. (वेस्ट झोन) चे उपाध्यक्ष आनंद गुप्ता यांचे हस्ते आणि बी.ए.आय.चे स्टेट चेअरमन अनिल सोनवणे यांच्या अध्यक्षतेखाली आणि आमदार प्रकाश आवाडे, भाजपा प्रदेश उपाध्यक्ष सुरेश हाळवणकर यांच्या प्रमुख उपस्थितीत पार पडला. यावेळी मार्गदर्शन करताना आमदार आवाडे बोलत होते. यावेळी नुतन चेअरमन फैयाज गैबान यांच्यासह पदाधिकारी व संचालक यांनी पदभार स्विकारला. असोशिएशनचे नवीन 36 पॅटर्न मेंबर्स बनले असून एकूण मेंबर्स संख्या 176 झाली आहे. या सर्वांचा तसेच कार्यालयासाठी योगदान देणार्‍या 21 ट्रस्टींचा सत्कार करण्यात आला.
बी.ए.आय. (वेस्ट झोन) चे उपाध्यक्ष आनंद गुप्ता यांनी, भारतात 262 शहरात सुमारे 25 हजारपेक्षा अधिक बिल्डर्स असोशिएशनचे सभासद आहेत. तर 22 शहरात स्व मालकीचे कार्यालय असून त्यामध्ये इचलकरंजीचा समावेश आहे. बांधकाम क्षेत्रातील सर्वच संघटनांचे एकत्रित कार्यालय हे केवळ इचलकरंजी शहरात असल्याचे गौरवोद्गार काढले. बी.ए.आय.चे स्टेट चेअरमन अनिल सोनवणे यांनी, बिल्डर्स असोशिएशन ऑफ इंडिया इचलकरंजी सेंटरच्या कार्याचा गौरव करत असेच कार्य करत रहावे अशा सदिच्छा दिल्या.
प्रारंभी बिल्डर्स असोशिएशन ऑफ इंडिया इचलकरंजी सेंटरचे चेअरमन फैयाज गैबान यांनी स्वागत तर बिल्डर्स असोशिएशन ऑफ इचलकरंजीचे चेअरमन नितीन धुत यांनी प्रास्ताविकात बिल्डर्स असोशिएशनच्या कार्याचा सविस्तर आढावा घेतला. यावेळी बांधकाम क्षेत्रातील उल्लेखनीय कार्याबद्दल स्व. ब्रिजमल जमयतराय हिरानी यांचा मरणोत्तर ‘जीवन गौरव’ पुरस्कार त्यांचे सुपूत्र मनोहर, धनराज व सागर हिराणी कुटुंबियांनी स्विकारला. त्याचबरोबर बांधकाम क्षेत्रातील महत्वाचा घटक असणार्‍या रामजीवन जांगिड (उत्कृष्ठ सुतारकाम), महावीर चौधरी (उत्कृष्ठ फरशीकाम), संजय हेरवाडे (उत्कृष्ठ प्लंबिंगकाम), शिवभरण प्रजापती (उत्कृष्ठ पेंटींग काम), राजू काझी (उत्कृष्ठ सेंट्रींग काम), नागेश नायकर (उत्कृष्ठ गवंडीकाम) आणि वासुदेव वर्मा (उत्कृष्ठ पीओपी काम) या कारागिरींना ‘गुणवंत कामगार’ पुरस्काराने गौरविण्यात आले.
भाजपा प्रदेश उपाध्यक्ष सुरेश हाळवणकर यांनी, वस्त्रोद्योगाबरोबरच सर्वात जास्त रोजगार उपलब्ध करुन देणारा उद्योग म्हणून बांधकाम क्षेत्राकडे पाहिले जाते. येथील बिल्डर्स असोशिएशनचे काम इतरांना यशोशिखर गाठण्यासाठी माईलस्टोन ठरेल, असा विश्‍वास व्यक्त करत इचलकरंजीच्या सौंदर्याला साजेशे काम करावे, अशी अपेक्षाही व्यक्त केली.
यावेळी माजी राष्ट्रीय अध्यक्ष भगवान देवकर, अविनाश पाटील, रणजित मोरे, माजी स्टेट चेअरमन सचिन देशमुख, दत्तात्रय मुळे, रणधीर भोईटे, सुधीर घारगे, प्रताप साळुंखे, सुरेश पाटील, भोजराज निंबाळकर, प्रताप कोंडेकर, मदन भंडारी, शिवसेना जिल्हाप्रमुख रवींद्र माने, डॉ. राहुल आवाडे, बिल्डर्स असोशिएशन ऑफ इंडिया इचलकरंजी सेंटरचे व्हा. चेअरमन शितल काजवे, सेक्रेटरी राजेंद्र शिंत्रे, जॉ. सेक्रेटरी दिलीप पटेल, बिल्डर्स असोशिएशन ऑफ इचलकरंजीचे सेक्रेटरी रमेश मर्दा, जॉ. सेक्रेटरी तानाजी हराळे, ट्रेझरर पुंडलिक जाधव, महांतेश कोकळकी, सुहास अकिवाटे, राजेंद्र खंडेराजुरी, संजय रुग्गे, भगवान कांबुरे, संदीप टारे, पन्नालाल डाळ्या, शिवाजी पोवार, विकास चंगेडीया, प्रल्हाद माने, रामप्रसाद पाटील, ओमप्रकाश खंडेलवाल, श्रीकांत लास्कर, स्वप्निल शहा, मोहन सातपुते, विकास चंगेडीया, शिवकुमार हिराणी, राजेंद्र उपाध्ये, महेश महाजन, सुधीर लाटकर आदी उपस्थित होते.
Author: ICHMH51 NEWS ABHIJIT PATWA
घडामोडी वस्त्रनगरीच्या... इचलकरंजी शहरातील चालू घडामोडी, ब्रेकिंग न्यूज आपल्याला समजाव्यात यासाठी हे पोर्टल सुरू केले असून नागरी समस्यांना वाचा फोडून त्या मार्गी लावण्यासाठी आम्ही प्रयत्नशील आहोत. अधिक माहिती,बातम्या व जाहिरातीसाठी संपर्क- अभिजित राजेंद्र पटवा,इचलकरंजी. 9921600800
