१०-१०-२०२४ करवीर निवासिनी श्री महालक्ष्मी अर्थात आई अंबाबाई वाघावर विराजमान दुर्गेच्या रूपातील पुजा
आज शारदीय नवरात्र महोत्सवाची सप्तमी तिथी आठवा दिवस आजच्या तिथीला करवीर निवासिनी श्री महालक्ष्मी अर्थात आई अंबाबाई वाघावर विराजमान दुर्गेच्या रूपात सजली आहे. वाघावर ती स्वार झालेले दुर्गेचे हे अष्टभुजा रूप उत्तर भारतात विशेष प्रसिद्ध आहे वरद कमळ तलवार चक्र शंख गदा धनुष्य आणि त्रिशूल धारण करणारी अशी ही जगदंबा दुर्गमासुराचा संहार करण्यासाठी प्रगट झाली अशी ख्याती आहे. शाकंभरीच्या अवतारातच जगत पोषणाचे काम झाल्यानंतर उन्मत्त झालेल्या दुर्गमासुराचा वध केल्यामुळे देवीला दुर्गा हे नाव प्राप्त झाले असे मानले जाते.
दुर्गा सप्तशती या ग्रंथात देवीने आपल्या भविष्यात्मक अवताराचे वर्णन करताना आपल्या या रूपाचे वर्णन केले आहे अशी दुर्गा चार सहा आठ दहा बारा सोळा अठरा हातांची देखील दाखवली जाते. आज करवीर निवासिनी अष्टभुजा रूपामध्ये सजली आहे.
दुर्गा म्हणजे कठीणातल्या कठीण संकटाचेही निवारण करणारी देवता आपल्या सर्वांच्या आयुष्यातील संकटे दूर व्हावीत हीच देवीच्या या अष्टभुजा रूपाकडे प्रार्थना.
श्री मातृ चरणारविंदस्य दास प्रसन्नसशक्तिकः
व्हिडीओ साठी क्लिक करा
https://youtu.be/Bw7m-wwTly8?si=oCYYTEAwq8gYEWqx
Author: ICHMH51 NEWS ABHIJIT PATWA
घडामोडी वस्त्रनगरीच्या... इचलकरंजी शहरातील चालू घडामोडी, ब्रेकिंग न्यूज आपल्याला समजाव्यात यासाठी हे पोर्टल सुरू केले असून नागरी समस्यांना वाचा फोडून त्या मार्गी लावण्यासाठी आम्ही प्रयत्नशील आहोत. अधिक माहिती,बातम्या व जाहिरातीसाठी संपर्क- अभिजित राजेंद्र पटवा,इचलकरंजी. 9921600800
