छ. संभाजी महाराज पुतळ्यासाठी छ. संभाजी चौकात लाक्षणिक उपोषण संपन्न
इचलकरंजी
गेली ४० वर्ष धर्मवीर छत्रपती संभाजी महाराज चौक म्हणून ओळखल्या जाणाऱ्या चौकात छत्रपती संभाजी महाराजांचा पुतळा उभारावा या मागणीसाठी आज सोमवारी संयुक्त छ. संभाजी महाराज परिसरांच्या वतीने लक्षणीक उपोषण करण्यात आले. १९८३ सालापासून या चौकाचे छत्रपती संभाजी महाराज चौक नामकरण झाले या परिसरातील शिवभक्ताने वेळोवेळी नगरपालिकेकडे व शासनाकडे छत्रपती संभाजी महाराजांचा पुतळा उभारावा अशी मागणी केली. शासनाने या चौकाऐवजी के एल मलाबादे चौकात महाराजांचा पुतळा उभारण्यास मंजुरी दिल्याने संभाजी चौकातही पुतळा उभा करावा ही मागणी गेल्या काही दिवसांपासून जोर धरू लागली होती. याचाच भाग म्हणून शासनाचे लक्ष वेधण्यासाठी आज सोमवारी सकाळी दहा वाजल्यापासून संयुक्त छत्रपती संभाजी महाराज चौक कृती समिती व परिसरांच्या वतीने आंदोलन करण्यात आले. या मागणीला राजकीय व विविध सामाजिक क्षेत्रातील मान्यवरांनी येऊन पाठिंबा दिला. यात माजी खासदार निवेदिता माने, माजी जिल्हा परिषद सदस्य राहुल आवाडे, कर्नाटक निपाणीचे आमदार शशिकला जोल्ले, मदन कारंडे, अमृतमामा भोसले, स्मिता तेलनाडे, मलकारी लवटे धनाजी मोरे प्रकाश मोरबाळे, शिवप्रतिष्ठानचे पदाधिकारी, शिवभक्त मोठ्या संख्येने उपस्थित होते.
