स्ट्रीटलाईट देखभाल दुरुस्ती मक्तेदारावर कारवाई करा- उमाकांत दाभोळे

इचलकरंजी

इचलकरंजी  शहरातील स्ट्रीट लाईट बाबत वारंवार तक्रारी करुनही देखभाल दुरुस्ती होत नसल्याने मक्तेदारावर कारवाई करण्यात यावी अशी मागणी उमाकांत दाभोळे यांनी आयुक्तांकडे केली आहे. इचलकरंजी शहरात सुमारे सतरा हजार स्ट्रीट लाईट आहेत. शहरातील स्ट्रीट लाईट,हायमास्ट देखाभाल दुरुस्ती इचलकरंजी महानगरपालिकेमार्फत मक्तेदाराकडून करणेत येत असते. सदर मक्तेदाराकडुन फक्त दोनच कर्मचारी कार्यरत असल्याचे दिसून आले आहे. सदरची बाब अत्यंत गंभीर आहे.त्यामुळे स्ट्रीट लाईट तक्रारी बाबत सुमारे महिनाभर दिरंगाई होत आहे.या बंद स्ट्रीट लाईटचा फायदा घेवून शहरामध्ये अनुचित प्रकार घडत आहेत.व घडण्याची शक्यता नाकरता येत नाही.

तथापि सदर संबंधित मक्तेदारची आपल्या स्तरावर कामाची तपासणी होवून संबंधितावर कारवाई होवून त्याचे कामनिहाय देयके अदा व्हावीत. तसेच संबंधित मक्तेदाराकडून महानगरपालिकेचा गाळ्यात गेली कित्येक वर्षापासून बेकायदेशीरपणे गोडावून म्हणून वापरत आहे.सदरचा गाळा कोणाचे आदेशाने वापरत आहे.आणि आदेश नसेल तर संबंधितावर योग्य ती कार्यवाही करुन त्याचे संपूर्ण भाडे वसूल करणेत यावे. ही विंनती निवेदनात दाभोळे यांनी केली आहे.

कारवाई न झाल्यास महानगरपालिकेसमोर तीव्र आंदोलन करणेत येईल.यांची प्रशासनाने नोंद घ्यावी असा इशारा दिला आहे.