कांडीमशीन मध्ये स्कार्प अडकून महिलेचा मृत्यू.

इचलकरंजी

इचलकरंजी येथील संग्राम चौकात यंत्रमाग कारखान्यात कांडी मशीनवर काम करत असताना त्यामध्ये स्कार्प अडकून सौ शालन मारुती पवार वय ६२ रा.मारुती चौक,बाळनगर या महिलेचा मृत्यू झाल्याची दुर्देवी घटना घडली.

याबाबत अधिक माहिती अशी की आखिल इस्माईल खानापूरे वय ३० धंदा- व्यापार रा.१६/४३२ षटकोन चौक इचलकरंजी यांचा फयूम व्हिव्हींग वर्क्स नावाचा कारखाना षटकोन चौक, इचलकरंजी येथे आहे,या कारखान्यात कांडी मशीनवर काम करत असताना सकाळी ६.३० च्या सुमारास स्कार्प मशीनमध्ये अडकून सौ शालन पवार यांचा दुर्देवी मृत्यू झाला.याबाबत खानापुरे यांनी वर्दी दिली असून शिवाजीनगर पोलीस ठाण्यात  सहा फौज कराड यांनी गुन्हा दाखल करून घेतला असून तपास पो.ना पुजारी करत आहेत.