प्राचार्य ए. बी. पाटील व सहकाऱ्यांचा सत्कार संपन्न
इचलकरंजी:
इचलकरंजी महापालिकेत कोल्हाटी समाजाच्या वतीने लाड पागे समितीच्या शिफारशीनुसार सर्व जाती-धर्मांतील सफाई कामगारांच्या वारसांना वारसाहक्काने नोकरी मिळण्यासाठी घेतलेल्या निर्णयासाठी पाठपुरावा करणाऱ्या नगरपरिषद कर्मचारी समन्वय समिती पुणे विभागाचे अध्यक्ष प्राचार्य ए. बी. पाटील, कार्याध्यक्ष धनंजय पळसुले, व सहसचिव हरीभाऊ माळी यांचा सत्कार करण्यात आला.
सत्कार समारंभात कोल्हाटी समाजासह महापालिकेतील अनेक सफाई कामगार मोठ्या संख्येने सहभागी झाले होते. या वेळी संघटनेचे उपाध्यक्ष किरण लाखे, भारत जावळे, शामराव लाखे, संतोष लाखे, राहुल आवळे, अमोल लाखे, आनंदा लाखे, व संजय भोसले यांची उपस्थिती होती.
कार्यक्रमादरम्यान प्राचार्य पाटील यांनी निर्णयाच्या यशस्वी अंमलबजावणीसाठी सतत प्रयत्नशील राहण्याचा निर्धार व्यक्त केला. तसेच, समाजातील गरजू कुटुंबांना या निर्णयाचा फायदा होईल, असा विश्वास व्यक्त केला. उपस्थितांनी त्यांच्या योगदानाबद्दल कृतज्ञता व्यक्त केली.
सत्कार समारंभाने कोल्हाटी समाज आणि सफाई कामगारांमध्ये उत्साहाचे वातावरण निर्माण केले असून, या निर्णयामुळे समाजहिताची नवीन दिशा मिळेल, असा विश्वास व्यक्त केला जात आहे.
Author: ICHMH51 NEWS ABHIJIT PATWA
घडामोडी वस्त्रनगरीच्या... इचलकरंजी शहरातील चालू घडामोडी, ब्रेकिंग न्यूज आपल्याला समजाव्यात यासाठी हे पोर्टल सुरू केले असून नागरी समस्यांना वाचा फोडून त्या मार्गी लावण्यासाठी आम्ही प्रयत्नशील आहोत. अधिक माहिती,बातम्या व जाहिरातीसाठी संपर्क- अभिजित राजेंद्र पटवा,इचलकरंजी. 9921600800
