दिशा शाळेचा वार्षिक क्रीडा महोत्सव व पालक सुविचार सभा उत्साहात संपन्न
इचलकरंजी
जैन सांस्कृतिक व शैक्षणिक मंडळ संचलित दिशा अध्ययन अक्षम मुलांची शाळा, इचलकरंजी येथे वार्षिक क्रीडा महोत्सव बक्षीस वितरण सोहळा आणि पालक सुविचार सभा मोठ्या उत्साहात पार पडली.
कार्यक्रमाचे उद्घाटन दीप प्रज्वलन व सरस्वती पूजनाने करण्यात आले. यावेळी संस्थेचे अध्यक्ष डॉ. पी. जे. बडबडे, सेक्रेटरी संजय कोले, दिशा प्रशालेच्या अध्यक्षा डॉ. सौ. जे. पी. बडबडे, उपाध्यक्ष अशोक मगदूम, आणि प्रमुख पाहुणे सौ. पद्मा पूराड, सौ. नीलम येसाटे, डॉ. सुरेखा नीटबे, आणि सौ. अनिता मगदूम उपस्थित होते.
डॉ. जे. पी. बडबडे मॅडम यांनी आपल्या प्रास्ताविक भाषणात पालकांना विविध विषयांवर सखोल मार्गदर्शन केले. तसेच श्री. सुभाष चिंचवाडे यांनी शाळेच्या विविध उपक्रमांवर आणि विद्यार्थ्यांसाठी उपयुक्त ऍक्टिव्हिटींचे महत्त्व सांगितले. डॉ. सुरेखा नीटबे मॅडम यांनी स्वच्छता व संतुलित आहाराचे महत्त्व पटवून दिले.
कार्यक्रमात विद्यार्थ्यांना वार्षिक क्रीडा महोत्सवातील यशासाठी बक्षिसे प्रदान करण्यात आली. बक्षिसांसाठी सौ. नीलम येसाटे व सौ. पद्मा पूराड यांनी विशेष आर्थिक सहकार्य केले.
कार्यक्रमाचे स्वागत श्री. एस. एम. लोंढे यांनी केले, सूत्रसंचालन सौ. एस. बी. कोळी यांनी तर आभार प्रदर्शन सौ. के. एन. कांबळे यांनी केले. या कार्यक्रमाला संस्थेचे खजिनदार रवींद्र पाटील, अजित बलवान, विनय मगदूम, किरण चौगुले आणि इतर मान्यवर उपस्थित होते.
Author: ICHMH51 NEWS ABHIJIT PATWA
घडामोडी वस्त्रनगरीच्या... इचलकरंजी शहरातील चालू घडामोडी, ब्रेकिंग न्यूज आपल्याला समजाव्यात यासाठी हे पोर्टल सुरू केले असून नागरी समस्यांना वाचा फोडून त्या मार्गी लावण्यासाठी आम्ही प्रयत्नशील आहोत. अधिक माहिती,बातम्या व जाहिरातीसाठी संपर्क- अभिजित राजेंद्र पटवा,इचलकरंजी. 9921600800
