मांजा दोरा विक्री करणा-यांच्यावर कारवाई करा-दाभोळे

इचलकरंजी

इचलकरंजी शहरात जीवघेणा मांजा विक्री केला जात असून विक्रेत्यांवर कारवाई करण्याबाबत निवेदन उमाकांत दाभोळे यांनी इचलकरंजी महानगरपालिका तसेच पोलीस प्रशासनास दिले आहे.

चिनी नायलॉन मांजा दो-यामुळे अनेक पशु पक्षी तसेच मानव जिवित हानी राज्यात होत आहे. प्रसार माध्यमातून रोज चिनी नायलॉन मांजा दो-याबाबत बातम्या येत असून पण या विक्रेत्यांच्यावर चिनी नायलॉन मांजा विक्री प्रतिबंधीत असून देखील महानगरपालिकेकडून दुर्लक्ष केले जात आहे. तसेच कोणतीही ठोस कारवाई होत नाही. तरी सदर नॉयलॉन मांजा विक्रीवर महानगरपालिका व पोलिस प्रशासनाकडून संयुक्तपणे प्रतिबंधात्मक कारवाई करावी. तसेच महानगरपालिकेकडून या संदर्भात नागरिकांमध्ये जनजागृती करावी अशी मागणी दाभोळे यांनी निवेदनात केली आहे.