आठवण..पत्रकार नाना पालकर

आठवण..पत्रकार नाना पालकर

१९९० ते ९५.विद्यार्थी बातमीदार  ते शहर बातमीदार म्हणून कोल्हापूर शहरात काम करायची संधी मिळाली . त्यावेळच्या  शहराच्या पत्रकारिता क्षेत्रांमध्ये  कै. सोपान पाटील  ,  कै. दिलीप कुलकर्णी , नाना पालकर , विलासराव झुंजार  , नंदकुमार ओतारी   , कै. प्रकाशराव  , सुनंदा मोरे मॅडम  ,   कै.एन डी पाटील  ,  उदय कुलकर्णी  , चंद्रशेखर माथाडे  ,  भारत चव्हाण  , किशोर संकपाळ , श्री आंबेकर (PTI ) , श्री काईंगडे (UNI )  सुधाकर काशीद  , विजय चोरमारे   अशी काही मोजकी   आउटडोर , प्रत्यक्ष  फिल्ड मध्ये काम करणारी  वरिष्ठ  पत्रकार मंडळी  असायची . त्या सर्वांमध्ये  नाना पालकर  नावाप्रमाणे ( नाना म्हणजे आजोबा )  आम्हा सर्व नवख्या , शिकाऊ , उत्साही    पत्रकारितेत नव्याने प्रवेश करणाऱ्या सर्वांची काळजी घ्यायचे . मी वयाने मोठा आहे , वरिष्ठ आहे .  असा त्यानी कधीही गर्व केल्याचे आम्हाला दिसले नाही . पत्रकारांचे मजबूत संघटन असावे  ,अशी त्यांची प्रामाणिक इच्छा होती . 6 डिसेंबर पत्रकार दिनी त्यांनी आम्हा  पत्रकारांना दर्पणकार  दिवंगत बाळशास्त्री जांभेकर यांच्या जन्मगावी  नेले होते . गेले काही दिवस ते आजारी होते . अमेरिकेत मुलाकडे ते कॅलिफोर्निया ला जाऊन आल्यानंतर त्यांनी एक मस्त पोस्ट सोशल मीडियावर टाकली होती .  त्या काळात सर्व राजकारणी  कोकणचा कॅलिफोर्निया करणार , असे नेहमी पत्रकार परिषद व सभेमध्ये सांगायची त्या संदर्भाने ते प्रत्यक्ष अमेरिकेत मुलाकडे   कॅलिफोर्नियाला  जाऊन आले होते .  त्यांचे स्वप्न   पूर्ण झाले पण   कोकणचा कॅलिफोर्निया करणार हे ,  राजकारणी लोकांनी राज्यातील जनतेला  दाखवलेले स्वप्न अजून  स्वप्नच असल्याची खंत त्यांनी व्यक्त केली होती .  इस्लाम धर्मातील पवित्र  हज यात्रा त्यांनी केली होती .     “पत्रकारितेतील नाना कळा  ”  असे एखादे आत्मचरित्र लिहिण्याची मी त्यांना विनंती केली होती .  , परंतु आत्मचरित्रात   सर्व खरे लिहावे लागल . त्यामुळे काहीजण दुखण्याची शक्यता आहे ,  असे सांगून त्यांनी हा विषय टाळला होता . परंतु नवीन पिढीसाठी  , मार्गदर्शन व   दैदिप्यमान कोल्हापूर शहराचा  इतिहास , घडामोडी ,  संदर्भ   जाणून घेण्यासाठी  त्यांनी आत्मचरित्र लिहिणे आवश्यक होते,असो..परम श्रेष्ठ अल्लाताला  त्यांना स्वर्गप्राप्ती करो..अशी त्यांना भावपूर्ण श्रद्धांजली…