शिक्षणमहर्षी डॉ. बापूजी साळुंखे विभागीय स्पर्धेमध्ये डी के ए एस सी महाविद्यालयाचे घवघवीत यश

          इचलकरंजी :

 श्री स्वामी विवेकानंद शिक्षण संस्था, कोल्हापूर आयोजित, ‘शिक्षणमहर्षी डॉ. बापूजी साळुंखे राज्यस्तरीय स्पर्धा’ अंतर्गत कोल्हापूर विभागीय स्पर्धांमध्ये आपल्या दत्ताजीराव कदम आर्ट्स, सायन्स अँड कॉमर्स महाविद्यालयाने घवघवीत यश मिळवले. राजर्षी छत्रपती शाहू महाराज हायस्कूल कोल्हापूर येथे नुकताच संपन्न झालेल्या विविध स्पर्धांमध्ये महाविद्यालयातील विद्यार्थी व गुरुदेव कार्यकर्त्यांनी बक्षीसे मिळवली. या सर्व स्पर्धकांची मध्यवर्ती राज्यस्तरीय स्पर्धेसाठी निवड झालेली आहे. महाविद्यालयीन गटात कु. प्रीती भिसे या विद्यार्थिनीने वक्तृत्व स्पर्धेत प्रथम तर उच्च माध्यमिक गटात श्रेया दोडे या विद्यार्थिनीने वक्तृत्व स्पर्धेत तृतीय मिळविला. महाविद्यालयीन गटामध्ये कु. स्नेहा संकपाळ या विद्यार्थिनीने सुगम गायन व कराओके या दोन्ही स्पर्धांमध्ये  द्वितीय क्रमांक प्राप्त करीत दुहेरी यश मिळविले. तर गुरुदेव कार्यकर्ते गटात डॉ. पद्मश्री वाघमारे यांनी  चित्रकला स्पर्धेत तृतीय प्राप्त केला आहे.

           सर्व यशस्वी विद्यार्थ्यांना प्राचार्य डॉ. एस. एम. मणेर, वाङ्मय मंडळ प्रमुख डॉ. पी. ए. पाटील, सांस्कृतिक विभाग प्रमुख डॉ. पद्मश्री वाघमारे, स्पर्धा समन्वयक प्रा. रोहित शिंगे यांचे मार्गदर्शन लाभले.