भारतीय जैन संघटनेच्या इचलकरंजी शहर अध्यक्षपदी विकास चौगुले यांची निवड
इचलकरंजी:
भारतीय जैन संघटनेची बैठक नुकतीच पार पडली यामध्ये इचलकरंजी येथील राजकारणात व समाजकारणात कायम पुढाकार घेणारे विकास चौगुले यांची भारतीय जैन संघटनेच्या इचलकरंजी शहराच्या अध्यक्षपदी निवड करण्यात आली.
सदर निवड झाल्यानंतर विकास चौगुले म्हणाले भारतीय जैन संघटना ही गेल्या कित्येक वर्षांपासून देशभर समाजकार्य करत असून यामधून समाजातील व इतर समाजाला आवश्यक असे शिबिर भरवत असते यामधून अनेकांचे आरोग्याचे तसेच सामजिक प्रश्न् मार्गी लागले आहेत.त्याच बरोबर सेव्ह ट्री, स्मार्ट गर्ल अशाच पद्धतीने इचलकरंजी व परिसरातील सामन्य नागरिकांना नेमकी अता कशाची गरज आहे यांची माहिती घेऊन शहरात वेगवेगळ्या प्रकारच्या शिबिराचे आयोजन करण्यात येईल व यामाध्यमातून भारतीय जैन संघटनेचे कार्य घराघरात पोहचवले जाईल असे सांगितले.
यावेळी संघटनेच्या उपाध्यक्षपदी अशोक ढेलेरिया ,सचिवपदी आशिष शहा व खजिनदारपदी कांतीलाल सोळंकी यांची निवड करण्यात आली. यासर्व निवडी भारतीय जैन संघटनेचे राष्ट्रीय कार्यकारणी सदस्य रिषभ छाजेड यांच्या उपस्थितीत करण्यात आल्या यावेळी इचलकरंजी भारतीय जैन संघटनेचे मावळते अध्यक्ष गौतम मुथा होते .तसेच सदस्य आप्पासाहेब कुडचे, पारस वागोनी, मनोज चंगेडिया, अमृत पारख, सुनील निटवे, परेश कांगटानी विद्याधर पाटील उपस्थित होते.सदर निवडीचा पदग्रहण सोहळा ८ फेब्रुवारी २०२५ रोजी ४ वाजता आराधना भवन येथे ठिकाणी पार पडणार आहे.
Author: ICHMH51 NEWS ABHIJIT PATWA
घडामोडी वस्त्रनगरीच्या... इचलकरंजी शहरातील चालू घडामोडी, ब्रेकिंग न्यूज आपल्याला समजाव्यात यासाठी हे पोर्टल सुरू केले असून नागरी समस्यांना वाचा फोडून त्या मार्गी लावण्यासाठी आम्ही प्रयत्नशील आहोत. अधिक माहिती,बातम्या व जाहिरातीसाठी संपर्क- अभिजित राजेंद्र पटवा,इचलकरंजी. 9921600800
