शहरातील नागरिकांनी तसेच सर्व प्रकारच्या विक्रेत्यांनी कापडी पिशव्यांचा वापर करावा-ओमप्रकाश दिवटे
इचलकरंजी:
इचलकरंजी शहरात सिंगल युज प्लॅस्टिक कॅरी बॅग वापरावर बंदी घातली आहे. परंतु इचलकरंजी शहरातील काही नागरिक, भाजी विक्रेते,फळ विक्रेते दुकानदार यांचेकडून प्लॅस्टिक कॅरी बॅगचा वापर केला जात असल्याचे निदर्शनास आलेने
महानगरपालिका आयुक्त तथा प्रशासक ओमप्रकाश दिवटे यांनी उपायुक्त स्मृती पाटील यांच्या प्रमुख उपस्थितीत फेरीवाला समिती सदस्य तसेच शहरातील किराणा दुकान, भाजी विक्रेते,फळ विक्रेते त्याचबरोबर इतर प्लॅस्टिक कॅरी बॅग विक्रेते
यांच्या सोबत बैठकीचे आयोजन केले होते.
या बैठकीत आयुक्त तथा प्रशासक ओमप्रकाश दिवटे यांनी प्लास्टिकच्या वापराचे निसर्गावर होणारे दुष्परिणाम विशद करून प्लास्टिकचा वापर करू नये असे आवाहन केले. त्याचबरोबर प्लास्टिक पिशव्यांना सक्षम पर्याय म्हणून कापडी पिशव्यांचा वापर करण्याचे आवाहन सुद्धा केले.
शहरातील महिला बचत गटांच्या माध्यमातून कापडी पिशव्या तयार करून घेऊन सर्व किराणा दुकानदार भाजी विक्रेते फळ विक्रेते त्याचबरोबर चिकन मटण विक्रेते यांनी कापडी पिशव्यांचा वापर करावा अशा सूचना देवुन
संपूर्ण शहरात आरोग्य विभागा मार्फत प्लास्टिक बंदी विरोधी मोहीम नियमितपणे सुरू ठेवावी, तसेच बंदी असलेले सिंगल युज प्लास्टिक पिशव्या वापरणाऱ्या व्यावसायिकावर दंडात्मक कारवाई करण्याचे आदेश आयुक्त यांनी दिले.
आयुक्त यांच्या महिला बचत गटांच्या माध्यमातून कापडी पिशव्या पुरवठा करणे च्या सुचनेस उपस्थित विक्रेत्यांनी सकारात्मक प्रतिसाद दिला.
या बैठकीस वैद्यकीय आरोग्य अधिकारी डॉ. सुनीलदत्त संगेवार,
स्वच्छता निरीक्षक विजय पाटील, सदा मलाबादे, दिपक पाटील यांचेसह शहरातील किराणा दुकानदार, भाजी विक्रेते, फळ विक्रेते उपस्थित होते.
Author: ICHMH51 NEWS ABHIJIT PATWA
घडामोडी वस्त्रनगरीच्या... इचलकरंजी शहरातील चालू घडामोडी, ब्रेकिंग न्यूज आपल्याला समजाव्यात यासाठी हे पोर्टल सुरू केले असून नागरी समस्यांना वाचा फोडून त्या मार्गी लावण्यासाठी आम्ही प्रयत्नशील आहोत. अधिक माहिती,बातम्या व जाहिरातीसाठी संपर्क- अभिजित राजेंद्र पटवा,इचलकरंजी. 9921600800
