आय.डी.बी.आय. बॅंकेकडुन इचलकरंजी महानगरपालिका प्राथमिक शाळांना संगणक संच प्रदान
इचलकरंजी
आय.डी.बी.आय. बँक, शाखा इचलकरंजी यांचे कडून आपल्या सामाजिक उत्तरदायित्व निधी (C. S. R.) मधून विविध सामाजिक उपक्रम राबविले जातात. या उपक्रमा अंतर्गत बॅंकेकडुन महानगर पालिका प्राथमिक शिक्षण विभागाकडील शाहीर अमर शेख वि. मं. शाळा क्र.५६, पं. बाळकृष्ण बुवा वि. मं. शाळा क्र.७, वेणूताई चव्हाण वि.मं. शाळा क्र.५४ या शाळांना संगणक संच प्रदान करणेत आले .
आय.डी.बी.आय बॅंकेचे प्रतिनिधी यांनी संगणक संच इचलकरंजी महानगर पालिका आयुक्त तथा प्रशासक ओमप्रकाश दिवटे यांच्याकडे सुपुर्द केले.
याप्रसंगी महानगरपालिकेचे मुख्य लेखा व वित्त अधिकारी विकास खोळपे , शिक्षण विभागाचे प्रशासन अधिकारी इरफान पटेल ,पर्यवेक्षक राजेंद्र घोडके ,आय.डी.बी.आय.बँकेचे शाखा अधिकारी उमेश चव्हाण, वैभव कुमार,आकाश गायकवाड, शिवाजी कांबळे यांची प्रमुख उपस्थिती होती.
इचलकरंजी महानगरपालिका आयुक्त तथा प्रशासक ओमप्रकाश दिवटे यांनी सर्व शाळांनी दिलेल्या संगणकाचा विद्यार्थ्यांच्या दैनंदिन अध्यापनामध्ये व्यवस्थित वापर करावा अशा सूचना दिल्या. आय.डी.बी.आय.बॅंकेच्या प्रतिनिधींनी भविष्यातही यापुढे इचलकरंजी महानगरपालिकेस आवश्यक ती मदत करण्याचे आश्वासन दिले.
या कार्यक्रमाचे सूत्रसंचालन गौस पटेल सर यांनी केले तर आभार अनिल रावळ सर यांनी मानले. या कार्यक्रमाचे संयोजन शाळा क्र.५६ चे शिक्षक शिक्षिका यांनी केले होते.
