पंधरा दिवसांत संपूर्ण शहराची स्वच्छता करावी अन्यथा कडक कारवाई होणार-आयुक्त पल्लवी पाटील
इचलकरंजी
आयुक्त पल्लवी पाटील यांनी काल आरोग्य विभागाकडील दैनंदिन कामकाजाचा आढावा घेतला होता. यामध्ये शहरातील स्वच्छता विषयक बाबी निदर्शनास आलेने आरोग्य विभागास सुचना दिल्या होत्या. या अनुषंगाने आज शनिवार दि.१५ फेब्रुवारी रोजी आरोग्य अधिकारी डॉ. सुनिलदत्त संगेवार यांनी आयुक्त पल्लवी पाटील आणि उपायुक्त स्मृती पाटील यांच्या प्रमुख उपस्थितीत आरोग्य विभागाकडील मुख्य स्वच्छता निरीक्षक, स्वच्छता निरीक्षक, वॉर्ड ऑफिसर, मुकादम तसेच घनकचरा व्यवस्थापन मक्तेदार
कंपनीचे प्रतिनिधी यांचे समवेत बैठकीचे आयोजन केले होते.
या बैठकीत आयुक्त पल्लवी पाटील यांनी येत्या पंधरा दिवसांत संपूर्ण शहराची स्वच्छता करावी तसेच एक महिन्यात संपूर्ण शहरातुन प्रत्येक घरातून घंटागाडी मध्ये येणारा कचरा ओला आणि सुका कचरा वेगवेगळा जमा होण्यासाठी योग्य प्रकारे नियोजन करावे अन्यथा कडक कारवाई करणेत येईल अशी सक्त सूचना केली. या कारवाई बाबतचे सर्व अधिकार उपायुक्त स्मृती पाटील यांना दिले.
तसेच योग्य आणि चांगले काम करताना कोणत्याही प्रकारची अडचण आलेस त्या ठिकाणी आपण खंबीरपणे अधिकारी कर्मचारी यांच्या पाठीशी राहणार अशी ग्वाही आयुक्त यांनी दिली.
या बैठकीस मुख्य स्वच्छता निरीक्षक मंगेश दुरुगकर, महादेव मिसाळ, रफिक पेंढारी, विजय पाटील, स्वच्छता निरीक्षक बबन कांबळे, संदीप मधाळे, सचिन भुते, सुरज माळगे, कविता सोळंकी यांचेसह सर्व वॉर्ड ऑफिसर, मुकादम आणि घनकचरा व्यवस्थापन मक्तेदार कंपनीचे प्रतिनिधी उपस्थित होते.
