चारचाकी पेटवेलेले संशयित निघाले मोटारसायकल चोर- तीन आरोपी अटकेत; १ लाख रुपयांच्या दुचाकी जप्त
इचलकरंजी, दि. १५ फेब्रुवारी २०२५ – शहापूर पोलीस ठाण्याच्या गुन्हे शोध पथकाने मोटारसायकल चोरीच्या गुन्ह्यात तीन आरोपींना अटक केली असून, त्यांच्याकडून चोरीच्या २ मोटारसायकली व गुन्हा करताना वापरलेली १ मोटारसायकल असा एकूण १,००,०००/- रुपये किमतीचा मुद्देमाल जप्त करण्यात आला आहे.
१२ फेब्रुवारी २०२५ रोजी रात्री ०३:०० ते सायंकाळी ०६:०० वाजेच्या दरम्यान, हातकणंगले तालुक्यातील यड्राव गावच्या हद्दीत, शरद कॉलेज मागे, भाटले विटभट्टी परिसरातून मोटारसायकली चोरीला गेल्याची घटना घडली होती.याच परिसरात घडलेल्या चारचाकी पेटवल्याप्रकरणी संशयित आरोपीकडे चौकशी केली असता त्यांनी चोरीच्या मोटारसायकलचा गुन्ह्यात वापर केल्याचे निष्पन्न झाले.उमेश पांडुरंग धुमाळ – वय २८ वर्षे, रा. लाटकर गल्ली, खोतवाडी, ता. हातकणंगले,सार्थक सुखदेव वडे – वय २० वर्षे, रा. मंगळवार पेठ, मधुरा हॉटेल शेजारी, इचलकरंजी, ता. हातकणंगले,आदित्य लक्ष्मण भस्मे – वय २४ वर्षे, रा. मंगळवार पेठ, होळी कट्टा, इचलकरंजी, ता. हातकणंगले यांच्याकडून होंडा स्प्लेंडर – एम.एच. ११-सी.के. ९९४८,होंडा डिओ मोपेड – एम.एच. ०९-डी.एच. ९४६२,हिरो स्प्लेंडर प्लस – एम.एच. ०९-जी.क्यू. ६५५९ या गाड्या ताब्यात घेण्यात आल्या.वरील कारवाई पोलीस अधीक्षक महेंद्र पंडीत, अप्पर पोलीस अधीक्षक निकेश खाटमोडे, उपविभागीय पोलीस अधिकारी समीरसिंह साळवे यांच्या मार्गदर्शनाखाली पोलीस निरीक्षक सचिन सूर्यवंशी,पोलीस उपनिरीक्षक महावीर कुटे,पोलीस अंमलदार अविनाश मुंगसे, असिफ कलायगार, रोहित डावाळे, आयुब गडकरी, शशिकांत ढोणे, होमगार्ड महेश शेळके यांनी केली.यातून शहापूर पोलीस ठाणेकडील २ व इचलकरंजी पोलीस ठाण्यातील १ गुन्हा उघडकीस आला आहे.
