आ.सतेज पाटील यांचे विकास निधीतून भगतसिंग उ‌द्यान,राणीबाग व सुंदर बाग येथे दर्जेदार खेळणी बसविण्याचे काम पूर्ण- शशांक बावचकर

इचलकरंजी

इचलकरंजी शहरातील महानगरपालिकेच्या मालकीची असणारी शहीद भगतसिंग उ‌द्यान, राणीबाग व सुंदर बाग या शहरातील महत्वाच्या व जुन्या उ‌द्यानातील लहान मुलांची खेळणी मोडकळीस आलेली होती व काही पूर्णता खराब झालेली होती. त्यामुळे या उ‌द्यानामध्ये नवीन खेळणी बसवण्याची गरज लक्षात घेऊन मी काँग्रेस पक्षाचे विधान परिषदेतील गट नेते व आमदार माननीय सतेज पाटील यांच्याकडे त्यांचे स्थानिक विकास निधीतून निधी देण्याची मागणी केली होती. माननीय आमदार सतेज पाटील यांनी माझे मागणीची तातडीची गरज लक्षात घेऊन सन २०२४-२५ च्या विकास निधीतून लहान मुलांची खेळणी बसवण्यासाठी रक्कम रुपये २५ लाखाचा निधी उपलब्ध करून दिला. लोकसभा व विधानसभा आचारसंहिता संपल्यानंतर इचलकरंजी महानगरपालिकेने वरील कामाची निविदा काढलेली होती. संबंधित मक्तेदार कंपनीने हे काम पूर्ण केले असून लवकरच ही आधुनिक प्रकारची व दर्जेदार खेळणी लहान मुलांसाठी खेळण्यास उपलब्ध होणार आहेत. भगतसिंग उ‌द्यान येथे ९,३३,३२३/-, राणीबाग येथे ८,१३,३२२/- व सुंदर बागेचे ८,१३,३२३/- इतक्या रकमेचे नवीन आधुनिक खेळणी बसवण्यात आले असून लहान मुलांना त्याचा लाभ होणार आहे.

इचलकरंजी शहर हे कामगार वस्तीचे शहर असून या ठिकाणी गोरगरीब मुलांना खेळण्यास अन्य कोणताही पर्याय उपलब्ध नाही. केवळ महानगरपालिकेची उ‌द्याने हेच त्यांचे करमणुकीचे साधन आहे. त्यामुळे येत्या उन्हाळ्याच्या सुट्टीपूर्वी खेळणी बसवण्याचे काम पूर्ण झाल्याने शहर व परिसरातील बाळ गोपाळांना एक महत्त्वाचे करमणुकीचे साधन उपलब्ध होणार आहे. त्यामुळे लहान मुले व पालकांमधून समाधान व्यक्त केले जात आहे.