अखेर ९५ दिवसांनी आ.राहुल आवाडे महापालिकेत. आयुक्त पल्लवी पाटील यांचे समवेत शहरातील पाणी पुरवठयाबाबत आढावा बैठक.

 इचलकरंजी

          अखेर ९५ दिवसानंतर विकासकामाच्या आढाव्यासाठी आ.राहुल आवाडे यांनी महापालिकेत जात इचलकरंजी शहरातील  पाणी पुरवठ्या बाबत सध्या सुरू असलेल्या सर्व कामांचा तसेच पाणीपुरवठा वेळापत्रकाचा आढावा आयुक्त पल्लवी पाटील आणि अतिरिक्त आयुक्त सुषमा शिंदे यांच्या  उपस्थितीत  कार्यकारी अभियंता पाणीपुरवठा विभाग यांच्याकडून घेतला.

 यावेळी मजरेवाडी जॅकवेल ते जलशुद्धीकरण केंद्र दरम्यान पाईपलाईन बदलण्याच्या कामास  गती देऊन सदरचे काम १५ मार्च २०२५ अखेर पूर्ण करणे बाबत तसेच या कामाचा टप्पा क्र. ०२  मध्ये शिल्लक असणारी २५१ मीटर पाईपलाईन तात्काळ बदलणे सूचना संबंधित मक्तेदार यांना दिल्या.

  त्याचबरोबर टप्पा क्र. ०३ मध्ये उर्वरित असणारी १६०० मीटर पाईपलाईन तात्काळ बदलणे व सदर योजनेमध्ये टाकणेत आलेल्या पाईपची जलदाब चाचणी तात्काळ पूर्ण करणेची सूचना प्रकल्प व्यवस्थापन सल्लागार व मक्तेदारांना देणेत आल्या.

   याच अनुषंगाने यापूर्वी शहरात बसविणेत आलेले शुद्ध पेयजल प्रकल्पांकरिता आवश्यक त्या उपाययोजना करून सदरचे प्रकल्प तात्काळ कार्यान्वित करणे बाबतच्या सूचना पालिका प्रशासनास देवुन पेयजल प्रकल्पामधुन पाणी मिळणेसाठी आवश्यक असलेली १०,००० कार्डची महानगरपालिकेची असलेली फी स्वतः भरून शहरवासीयांना सदर कार्ड मोफत वितरीत करणेची त्याचबरोबर शहरातील  विविध सार्वजनिक ठिकाणी नादुरुस्त असलेल्या महानगरपालिकेच्या ९४ बोअरवेल स्वखर्चाने दुरुस्त करून देणेची ग्वाही आमदार डॉ राहुल आवाडे यांनी दिली.

शहरामध्ये आमदार डॉ.राहुल आवाडे यांचे मार्फत कार्यान्वित केलेल्या ४५ बोअरवेल आणि लोकसहभागातून कार्यान्वित करणेत आलेल्या ५ बोअरवेल साठी आवश्यक असलेल्या वितरणनलिका विकसित करणेकरिता तसेच एकूण २०० बोअरवेल साठी टायमर बसविणे करिता आमदार निधी उपलब्ध करून देणेची ग्वाही दिली.

             इचलकरंजी शहराकरीता सद्यःस्थितीत सुरू असलेल्या जुन्या आणि नव्या पाणी पुरवठा योजनांचे बळकटीकरणासाठी शासन स्तरावरून निधी मिळणेसाठी  आवश्यक प्रस्ताव तातडीने सादर करणेबाबतच्या सुचना यावेळी महानगरपालिका प्रशासनास  यावेळी देणेत आल्या.

इचलकरंजी शहरासाठी मंजूर असलेली सुळकुड पाणी पुरवठा योजना सुरू व्हावी यासाठी मुख्यमंत्री नामदार देवेंद्र फडणवीस साहेब यांचेकडे विशेष पाठपुरावा करणार असल्याचे आमदार यांनी यावेळी सांगितले.

    या बैठकीस अभय शिरोलीकर, बाजी कांबळे आदी उपस्थित होते.