कॉ.के.एल. मलाबादे चौक विकसित करणे संदर्भात आमदार डॉ. राहुल आवाडे यांनी घेतली आयुक्त पल्लवी पाटील यांची भेट.
इचलकरंजी
इचलकरंजी शहरातील मध्यवर्ती कॉ. के. एल. मलाबादे चौक विकसित करणेसाठी शासनाकडून निधी उपलब्ध झालेला आहे. या अनुषंगाने आमदार डॉ.राहुल आवाडे यांनी धर्मवीर छत्रपती संभाजी महाराज प्रतिष्ठान इचलकरंजी यांच्या सदस्या समवेत आयुक्त पल्लवी पाटील यांची भेट घेतली.
या बैठकीत के.एल.मलाबादे चौक विकसित करुन सदर ठिकाणी थोर पुरुषांचे पुतळा बसविणे संदर्भात असलेले शासनाचे सर्व निकषांचे पालन करुन धर्मवीर छत्रपती संभाजी महाराजांचा पूर्णाकृती पुतळा बसविणेबाबत सविस्तर चर्चा करणेत आली.
तसेच सदर काम सुरू करणेसाठी आवश्यक असलेली प्रक्रिया तातडीने सुरू करावी अशी मागणी यावेळी आमदार राहुल आवाडे यांनी आयुक्त पल्लवी पाटील यांचेकडे केली.
सदर मागणीस अनुसरून आयुक्त पल्लवी पाटील यांनी याकामी सकारात्मक प्रतिसाद देत याकामी शासन निर्णयानुसार महानगरपालिका प्रशासनाकडून आवश्यक ती कार्यवाही सुरू केली असलेची माहिती सदर बैठकीत दिली.
या बैठकीस धर्मवीर छत्रपती संभाजी महाराज प्रतिष्ठान इचलकरंजीचे अध्यक्ष गजानन महाजन, शहर अभियंता महेंद्र क्षिरसागर, माजी नगरसेवक राजू बोंद्रे, सतिश मुळीक, नितेश पोवार यांचेसह प्रतिष्ठानचे सदस्य उपस्थित होते.
