इचलकरंजी महानगरपालिकेत जागतिक महिला दिनानिमित्त विविध कार्यक्रमांचे आयोजन

इचलकरंजी महानगरपालिकेत जागतिक महिला दिनानिमित्त विविध कार्यक्रमांचे आयोजन

इचलकरंजी :

जागतिक महिला दिनाचे औचित्य साधून इचलकरंजी महानगरपालिकेच्या वतीने दि. १० मार्च ते १२ मार्च २०२५ या कालावधीत विविध सांस्कृतिक आणि स्पर्धात्मक कार्यक्रमांचे आयोजन करण्यात आले आहे. आयुक्त पल्लवी पाटील यांच्या मार्गदर्शनाखाली या उपक्रमांचे नियोजन करण्यात आले असून, महिलांसाठी आरोग्य शिबिर, रांगोळी, नृत्य, मेहंदी आणि वकृत्व स्पर्धा तसेच “स्वच्छ शहर होम मिनिस्टर” हा विशेष कार्यक्रम आयोजित करण्यात आला आहे.

दि. १० मार्च २०२५ रोजी महिला अधिकारी व कर्मचाऱ्यांसाठी आरोग्य शिबिर सकाळी ११ ते १ पर्यत महानगरपालिका सभागृहात आयोजित केले आहे.

११ मार्च २०२५ रोजी रांगोळी स्पर्धा सकाळी १० ते १२ या वेळेत तर नृत्य स्पर्धा (वैयक्तिक – महिला/मुली)  सकाळी ११.३० ते दुपारी २ वाजता आयोजित केल्या आहेत.“स्वच्छ शहर होम मिनिस्टर” स्पर्धा (सर्व महिलांसाठी) दुपारी ४ ते सायंकाळी ६ वाजेपर्यंत श्रीमंत  नारायणराव घोरपडे नाट्यगृहात होतील.

दि. १२ मार्च २०२५ मेहंदी स्पर्धा सकाळी १० ते ११,वकृत्व स्पर्धा सकाळी ११ ते १२,ग्रुप नृत्य स्पर्धा (महिला/मुली) दुपारी १२ ते २ पर्यत होतील

बक्षीस वितरण व सांस्कृतिक कार्यक्रम – “जागर स्त्री शक्तीचा”(सुमित डान्स ॲकॅडमी प्रस्तुत) दुपारी ४ ते सायंकाळी ६ पर्यत स्थळ: श्रीमंत नारायणराव घोरपडे नाट्यगृहात होईल.

या सर्व स्पर्धांमध्ये सहभागी होण्यासाठी इच्छुक महिलांनी व मुलींनी महानगरपालिकेच्या महिला व बाल विकास विभागाशी संपर्क साधावा. कार्यक्रमाची संपूर्ण माहिती महानगरपालिकेच्या अधिकृत संकेतस्थळावर आणि सोशल मीडियावर उपलब्ध आहे.

महिला दिनानिमित्त आयोजित या कार्यक्रमांमध्ये महिलांनी मोठ्या संख्येने सहभागी व्हावे, असे आवाहन महानगरपालिका आयुक्त पल्लवी पाटील यांनी केले आहे.