पोलीस स्टेशनच्या आवारात पेटवून घेतलेल्या युवकाचा मृत्यू,मृत्यूस कारणीभूत ठरल्याप्रकरणी तिघांवर गुन्हा.
इचलकरंजी
६ मार्चला शिवाजीनगर पोलीस ठाण्याच्या आवारात पेटवून घेतलेल्या शेखर गायकवाड,रा.करकंभ याचा उपचारादरम्यान सिपीआर रुग्णालयात ११ मार्च २०२५ रोजी मध्यरात्री मृत्यू झाला,याबाबत मयताच्या आईने दिलेल्या फिर्यादीनुसार मृत्यूस कारणीभूत ठरल्याप्रकरणी तिघांवर गुन्हा नोंद करण्यात आला आहे.
फिर्यादी हिराबाई अर्जुन गायकवाड (वय ५० वर्षे, व्यवसाय मजुरी, रा. आंबे मळा, करकंब, ता. पंढरपूर, जि. सोलापूर) यांनी दिलेल्या तक्रारीनुसार, त्यांच्या मुलगा शेखर अर्जुन गायकवाड (वय ३१ वर्षे) याची पत्नी सोनल ओंकार फाटक हिने दुसरे लग्न केले. तसेच,आरोपी मुलीची आई मंगल आमणे आणि मामा संतोष फातले या दोघांनी मिळून शेखरच्या संसारात हस्तक्षेप करून त्याला धमक्या दिल्या आणि धक्काबुक्की केली.या मानसिक त्रासामुळे शेखरने ६ मार्च रोजी आत्महत्येचा प्रयत्न केला.
६ मार्च रोजी सायंकाळी शेखरने अंगावर पेट्रोल ओतून स्वत:ला पेटवून घेतले. त्याला तातडीने सी.पी.आर. हॉस्पिटल, कोल्हापूर येथे दाखल करण्यात आले. उपचारादरम्यान ११ मार्च रोजी मध्यरात्री १.५५ वाजता शेखरचे निधन झाले.
फिर्यादीच्या तक्रारीनुसार, शिवाजीनगर पोलीस ठाण्यात गुन्हा गुन्हा नोंदविण्यात आला आहे.या प्रकरणाचा तपास पोलीस निरीक्षक श्री. सचिन पाटील करत आहेत.
