कबनूरमध्ये दोन गटांत हाणामारी; शिवाजीनगर पोलीस ठाण्यात गुन्हा दाखल

कबनूरमध्ये दोन गटांत हाणामारी; शिवाजीनगर पोलीस ठाण्यात गुन्हा दाखल

इचलकरंजी

कोल्हापूर जिल्ह्यातील कबनूर गावात सोमवारी रात्री ८.३० वाजता विघ्नहर्ता पानपट्टीजवळ दोन गटांमध्ये वाद विकोपाला जाऊन हाणामारी झाली. या प्रकरणी शिवाजीनगर पोलीस ठाण्यात गुन्हा नोंदवण्यात आला आहे.

फिर्यादी रोहित हौसेराव कांबळे (वय २८ व्यवसाय चालक, रा. दत्तनगर, कबनूर) आणि त्यांचे मित्र विशाल विजय दंडवते (वय ३६) हे पानपट्टीजवळ थांबलेले असताना, आरोपी निलेश जाधव, उमेश जाधव, विकास कोमटे, समर्थ उर्फ सोन्या शिंदे आणि विशाल कोमटे यांनी त्यांच्यावर हल्ला केला. आरोपींनी जातीवाचक शिवीगाळ करून, स्टीलच्या कड्याने प्रहार करून रोहित कांबळे यांना जखमी केले.

फिर्यादीच्या तक्रारीवरून शिवाजीनगर पोलीस ठाण्यात विविध कलमांखाली आणि अनुसूचित जाती आणि अनुसूचित जमाती अत्याचार प्रतिबंधक कायद्यांतर्गत गुन्हा नोंदवण्यात आला आहे.या प्रकरणाचा तपास उपविभागीय पोलीस अधिकारी समीरसिंह साळवे करत आहेत.