सर्व बसस्थानकांवर सॅनिटरी नॅपकिन मशीन बसवा,शिवसेना महिला आघाडीची पालकमंत्र्यांकडे मागणी.
इचलकरंजी ता
कोल्हापूर जिल्ह्यातील सर्व बस स्थानकांवर सॅनिटरी नॅपकिन मशीन लावण्याबाबतची कार्यवाही करण्यात यावी अशी मागणी शिवसेना जिल्हाप्रमुख रविंद्र माने यांच्या मार्गदर्शनाखाली
शिवसेना महिला आघाडीतर्फे जिल्हाप्रमुख वैशाली डोंगरे यांनी पालकमंत्री प्रकाश आबिटकर,खासदार धैर्यशील माने
यांच्याकडे निवेदनाद्वारे केली आहे.
महिलांच्या सुरक्षेसाठी व महिलांच्या आरोग्यासाठी कॉलेज व व्यवसायासाठी बाहेर पडणाऱ्या महिलाच्या रोजच्या धावपळीच्या जीवनात प्रवास करत असताना अचानकपणे येणाऱ्या मासिक पाळीच्या वेळी लागणाऱ्या सॅनिटरी नॅपकिनची आवश्यकता असते.
यासाठी सॅनिटरी नॅपकिन वेडिंग मशीनची स्थापना हि या समस्येचे निराकरण करण्यासाठी मासिक पाळीच्या समानतेला प्रोत्साहन देण्यासाठी आणि महिलांच्या सुरक्षेसाठी व त्यांना सक्षम बनवण्यासाठी
पूर्ण कोल्हापूर जिल्हयात वाहतूक विभाग आणि आरोग्य विभाग यांच्याकडून प्रत्येक बसस्टँडवर सॅनिटरी नॅपकिन मशीन लावण्याची कार्यवाही करावी असे निवेदनात नमूद केले आहे.यावेळी
संगीता नरके पन्हाळा उपजिल्हाप्रमुख, माधुरी ताकारे उपजिल्हाप्रमुख शिरोळ, सुधाताई चौगुले हातकणंगले उपतालुकाप्रमुख, पुनम खाडे विभाग प्रमुख हातकणंगले आदी उपस्थित होते.
