जिल्हाधिकारी तथा प्रशासक अमोल येडगे यांचेकडून महानगरपालिका कामकाजाचा आढावा,मुख्यमंत्र्यांच्या १०० दिवसाच्या संकल्पात आघाडीवर राहण्याच्या सुचना.
इचलकरंजी
जिल्हाधिकारी तथा इचलकरंजी महानगरपालिका प्रशासक अमोल येडगे यांनी आज गुरुवार दि.२० मार्च रोजी महानगरपालिका कार्यालयास भेट दिली. प्रारंभी महानगरपालिका आयुक्त पल्लवी पाटील यांनी पुष्पगुच्छ देऊन मा. जिल्हाधिकारी तथा प्रशासक अमोल येडगे यांचे स्वागत केले.
आयुक्त यांनी पी.पी.टी. च्या माध्यमातून महानगरपालिका कामकाजाचे सादरीकरण केले.
या अनुषंगाने प्रशासक यांनी विभाग निहाय संबंधित विभाग प्रमुख यांचेकडून आढावा घेतला.
यामध्ये प्रामुख्याने पाणी पुरवठा, बांधकाम आणि आरोग्य विभागाकडील मान्सुनपुर्व कामे तातडीने पूर्ण करणेच्या सुचना संबंधित विभाग प्रमुख यांना दिल्या.
त्याचबरोबर शहरास पुरेसा आणि नियमितपणे पाणी पुरवठा व्हावा यासाठी पंचगंगा व मजरे वाडी पाणी पुरवठा योजनेच्या कामाची आवश्यकते नुसार तातडीने दुरुस्ती करणे, जिल्हा नियोजन मधुल प्राप्त निधी मधील कामे मुदतीत पूर्ण करणे, शहरातील अतिक्रमण पोलिस बंदोबस्तात काढणे, इंदोर शहराच्या धर्तीवर आपले शहर स्वच्छ आणि सुंदर करणेसाठी आवश्यक प्रयत्न करावेत, शहरातील संकलित होणारा कचरा ओला व सुका याप्रमाणे विलिनीकरण करुनच घंटागाडी मध्ये जमा करावा, कचरा डंपिंग ग्राउंड वर जमा झालेल्या कचऱ्यावर दररोजच्या दररोज प्रक्रिया करावी ,बंदी असलेले प्लॅस्टिक वापरावर कारवाई करावी, महानगरपालिका शाळांसाठी आवश्यक ती भरीव आर्थिक तरतूद करावी, चालू वर्षातील कर वसुली
९०% करणे, संभाव्य आपत्कालीन परिस्थितीच्या पार्श्वभूमीवर आवश्यक तयारी करावी तसेच मा. मुख्यमंत्री यांच्या संकल्पनेतील १०० दिवस या उपक्रमांमध्ये राज्य स्तरावर इचलकरंजी महानगरपालिका आघाडीवर रहाणे साठी सर्वांनी सामुहिक प्रयत्न करावेत अशा सूचना सर्व विभाग प्रमुख यांना दिल्या.
सदर बैठकीस अतिरिक्त आयुक्त सुषमा शिंदे, उपविभागीय अधिकारी मोसमी चौगुले यांचेसह महानगरपालिका विभाग प्रमुख उपस्थित होते.
