इचलकरंजीतील पान टपरी वरून गुटखा-मावा विक्री झाल्यास कडक कारवाई.
इचलकरंजी(सावा)शहराच्या शिवाजी नगर पोलीस ठाण्याच्या हद्दीतील पान टपरी तून गुटखाआणि मावा नामक वस्तूची विक्री होणार नाही, याची दक्षता घ्या अन्यथा कडक कारवाईला सामोरे जावे लागेल असा इशारा पो. निरीक्षक सचिन पाटील यांनी बैठकीत दिली.
इचलकरंजी पान शॉप असोसिएशन चे अध्यक्ष गोपी ठाणेकर आणि त्यांच्या सोबत 35 पदाधिकारी आणि सदस्य यावेळी हजर होते. पो.नि. सचिन पाटील यांनी प्रथम सूचना देत असल्याचे सांगत गुटखा मावा तसेच शासनाने बंदी घातलेले पदार्थ, सुगंधी सुपारी, या सह वस्तुची विक्री केली जाऊ नये. अशी सक्त सूचना केली. आणि नंतर तपासणी मध्ये सापडल्यास कडक कारवाई होणार असेही स्पष्ट केले.
बैठकी नंतर पानपट्टीधारकांची गंभीर पणे चर्चा झाली. याचा परिणाम किती होणार या कडे सर्वांचे लक्ष लागले आहे. शहरात तीन पोलीस ठाणी असून त्यांची भूमिका अद्याप स्पष्ट झाली नाही.
गांजा विक्रीचे काय
============
दरम्यान गांजा विक्री संबधी काय भूमिका अशी विचारणा होत आहे. अनेक युवक अल्पवयीन असतानाही गांजा सेवन करतात, आणि त्यातून हाणामारी तसेच गंभीर जखमा होईपर्यत बेछुटपणे मारणे, खुन पाडणे,आदी प्रकार चालू आहेत, यातून अनेकांवर मोक्का पोलिसांनी लावून कारवाई केली आहे.पोलिसांनी या नसिल्या विरुद्ध कारवाई केली पण दारूबंदी उत्पादन शुल्क विभागाने या बाबत काही केल्याचे दिसून आले नाही.यांची पण चर्चा आहे.
Author: ICHMH51 NEWS ABHIJIT PATWA
घडामोडी वस्त्रनगरीच्या... इचलकरंजी शहरातील चालू घडामोडी, ब्रेकिंग न्यूज आपल्याला समजाव्यात यासाठी हे पोर्टल सुरू केले असून नागरी समस्यांना वाचा फोडून त्या मार्गी लावण्यासाठी आम्ही प्रयत्नशील आहोत. अधिक माहिती,बातम्या व जाहिरातीसाठी संपर्क- अभिजित राजेंद्र पटवा,इचलकरंजी. 9921600800
