अपघातग्रस्त महेश गुरव यांना मोफत इलेक्ट्रॉनिक कृत्रिम हात,शिवसेनेने केली मदत

अपघातग्रस्त महेश गुरव यांना मोफत इलेक्ट्रॉनिक कृत्रिम हात,शिवसेनेने केली मदत

कोरोची (ता. हातकणंगले) येथील महेश शंकर गुरव यांचा उजवा हात अपघातात कोपरापासून गमवावग ला होता. बॅटरीवर चालणाऱ्या इलेक्ट्रॉनिक कृत्रिम हाताची किंमत अंदाजे २ लाख १० हजार रुपये असल्याने त्यांना हा खर्च परवडणारा नव्हता.फेब्रुवारी महिन्यात त्यांनी शिवसेना जिल्हाप्रमुख रवींद्र माने, नगरसेवक रणजीत पाटील आणि सामाजिक कार्यकर्ते भूषण पाटील यांच्याकडे मदतीसाठी विनंती केली.

त्यांच्या विशेष प्रयत्नांमुळे आणि इनाली फाउंडेशन पुणे व विश्वात्मा सोशल असोसिएशन विटा यांच्या सहकार्याने महेश गुरव यांना हा कृत्रिम हात पूर्णतः मोफत बसवण्यात आला. आता त्यांना गाडी चालवणे, वस्तू उचलणे आणि दैनंदिन कामे या हाताने सहज करता येत आहेत.

गुरव कुटुंबीयांनी शिवसेना खासदार धैर्यशील माने, आमदार सुहास बाबर, स्वीय सहाय्यक अमोल कोरे यांचे आभार मानले. भविष्यात अशा प्रकारचे बॅटरीवर चालणारे इलेक्ट्रॉनिक कृत्रिम हात किंवा पाय बसवण्याची आवश्यकता असल्यास, शिवसेना संपर्क कार्यालय, इचलकरंजी, हातकणंगले आणि कोल्हापूर येथे संपर्क साधावा.