जितोचा विश्वकल्याणासाठी इचलकरंजीत ९ एप्रिलला नवकार महामंत्र जपाचा भव्य उपक्रम

इचलकरंजी:

अखंड विश्वातील जैन समुदायाच्या वतीने जीतो (जैन इंटरनॅशनल ट्रेड ऑर्गनायझेशन) तर्फे नवकार महामंत्र जपाचा भव्य उपक्रम आयोजित करण्यात आला असल्याची माहिती प्रोजेक्ट चेअरमन मनीष मुनोत व मुकेश पुनमिया यांनी पत्रकार परिषदेत दिली. बुधवार ९ एप्रिल २०२५ रोजी सकाळी ८:०० ते ९:२६ या वेळेत संपूर्ण जगभरातील जैन बांधवांनी नवकार महामंत्राचा जप करण्याचे नियोजन केले आहे,यामध्ये सर्वधर्मीयांनी सहभागी व्हावे असे आवाहन यावेळी करण्यात आले.

मुकेश पुनमिया बोलताना म्हणाले जीतों ही भारतात ३१ राज्यात व ७४ शहरात काम करते,जीतो समाजातील व्यापार,उद्योग सेवा यावर काम करत असुन उद्योजकांना प्रोत्साहन देण्यासाठी तत्पर असते.

या निमित्ताने इचलकरंजी येथील नामदेव भवन ग्राऊंडवर हजारो जैन बांधव एकत्र येणार आहेत.जीतो इचलकरंजी शाखेच्या वतीने या उपक्रमाचे आयोजन करण्यात आले असून एम. अशोका ग्रुप हे प्रमुख प्रायोजक आहेत.

शांती आणि मानवकल्याणाचा संदेश

या महामंत्र जपाचा उद्देश वैश्विक शांतता, मानवकल्याण आणि आध्यात्मिक उन्नती साध्य करणे हा होता. परस्पर स्नेहभाव वृद्धिंगत होऊन मानवजात शांती आणि समृद्धीच्या मार्गावर वाटचाल करावी हा संदेश या उपक्रमातून देण्यात येणार आहे.

या उपक्रमात इचलकरंजी शहरातील ५००० हून अधिक सर्वपंथीय बजैन बांधव प्रत्यक्ष सहभागी होतील तर १५,००० जैन बांधवांनी ऑनलाईन नोंदणी करून घरातून व आसपासच्या गावातून जप करतील.

हा उपक्रम संपूर्ण समाजासाठी निरपेक्ष आणि सर्वधर्मीयांसाठी खुला होता. सर्व धर्मीयांनी या पवित्र जपात सहभागी व्हावे, असे आवाहन जीतो इचलकरंजी शाखेच्या वतीने करण्यात आले.

पत्रकार परिषदेस जीतों इचलकरंजी शाखेचे अध्यक्ष महावीर बागरेचा, महिला विभागाच्या सौ. उषा बोहरा आणि सौ. शैली जैन यांनी मार्गदर्शन केले. याशिवाय अरुण ललवाणी,सुरेश ललवाणी, को-चेअरमन अंकीत मुथा, तसेच मीडिया विभागाच्या सौ. रजनी जैन आणि सौ. जयश्री जोगड यांचीही विशेष उपस्थिती होती.