प्लॉट खरेदी प्रकरणी मारहाण व खंडणी प्रकरणी मनोज साळुंखेसह तिघांवर गुन्हा दाखल

प्लॉट खरेदी प्रकरणी मारहाण व खंडणी प्रकरणी मनोज साळुंखेसह तिघांवर गुन्हा दाखल

इचलकरंजी, ता. ३ एप्रिल

प्लॉट खरेदीच्या कारणावरून एका इसमास शिवीगाळ व मारहाण करून पाच लाख रुपयांची खंडणी मागितल्याची घटना २८ फेब्रुवारी रोजी इचलकरंजीतील जुना एसटी स्टॅन्डजवळ घडली. या प्रकरणी शिवाजीनगर पोलीस ठाण्यात भाजपचा माजी नगरसेवक मनोज साळुंखे सह तिघांविरोधात गुन्हा दाखल करण्यात आला आहे.

सागर दत्ताञय पाटील (वय ३५, रा. जगताप तालीम, गावभाग, इचलकरंजी) यांनी पोलीस ठाण्यात दिलेल्या तक्रारीनुसार, आरोपी मनोज सांळुखे, शहानावज मुजावर व दीपक कोळेकर (सर्व रा. भोने मळा, इचलकरंजी) यांनी फिर्यादीस आरोपींच्या ऑफीसमध्ये बोलावून घेत तु प्लॉट का घेतलास ती जागा माझी आहे या कारणास्तव शिवीगाळ केली आणि लाथाबुक्यांनी मारहाण केली,त्यांनी फिर्यादीकडून पाच लाख रुपयांची खंडणी मागितली व त्यांच्या शर्टच्या खिशातून ११,००० रुपये जबरदस्तीने घेतले. तसेच, “तू तिथे परत गेलास तर तुला सोडणार नाही” अशी धमकीही दिली.

याबाबत शिवाजीनगर पोलीस ठाण्यात गुन्हा नोंद झाला असून या घटनेचा तपास पो.नि. सचिन पाटील यांच्या मार्गदर्शनाखाली पोसई जाधव करत आहेत.