सहकार भारती व डीकेटीईतर्फे उद्या विनिता तेलंग यांचे व्याख्यान
इचलकरंजी;
सहकार भारती महाराष्ट्र प्रदेश आणि डीकेटीई सोसायटी इचलकरंजी यांच्या संयुक्तविद्यमाने पुण्यश्‍लोक अहिल्यादेवी होळकर यांच्या जन्म त्रिशताब्दी निमित्त मंगळवार दिनांक 15 रोजी सायंकाळी 5 वाजता यशवंतराव चव्हाण पॉलिटेक्निक कॉलेज सभागृह येथे प्रख्यात लेखिका व व्याख्यात्या तसेच शिवाजी विद्यापीठाच्या सिनेट सदस्या सौ. विनिता तेलंग या ‘राष्ट्रनिर्मात्या अहिल्यादेवी होळकर’ या विषयावर व्याख्यान आयोजित करण्यात आले आहे.
या कार्यक्रमास सहकार भारती प्रदेश महिला प्रमुख वैशाली आवाडे, डीकेटीई च्या मानद सचिव डॉ. सपना आवाडे, प्राचार्या सौ. ललिता आडमुठे, वायसीपीचे प्राचार्य ए. पी. कोथळी, सहकार भारती पतसंस्था प्रदेश प्रकोष्ट प्रमुख सागर चौगुले, कोल्हापूर विभाग सहसंघटक जवाहर छाबडा, जिल्हा अध्यक्ष अरविंद मजलेकर उपस्थित राहणार आहेत. हे व्याख्यान सर्वांसाठी खुले असून सर्वांनी या व्याख्यानाचा लाभ घ्यावा, असे आवाहन करण्यात आले आहे.
