दत्ताजीराव कदम विधी महाविद्यालयात CET 2025 साठी सराव परीक्षा – विद्यार्थ्यांना सहभागी होण्याचे आवाहन
इचलकरंजी –
श्री स्वामी विवेकानंद शिक्षण संस्थेचे दत्ताजीराव कदम विधी महाविद्यालय, इचलकरंजी यांच्या वतीने विधी शाखेच्या CET 2025 परीक्षेसाठी सराव परीक्षा (मॉक टेस्ट) आयोजित करण्यात आली आहे. ही सराव परीक्षा 20 एप्रिल 2025 रोजी सकाळी 10.00 वाजता महाविद्यालयात होणार आहे.
जून 2025 मध्ये होणाऱ्या एलएलबी तीन वर्षीय व बीए एलएलबी पाच वर्षीय अभ्यासक्रमांमध्ये प्रवेश घेऊ इच्छिणाऱ्या व CET 2025 साठी नोंदणी केलेल्या सर्व विद्यार्थ्यांनी या सराव परीक्षेत आवर्जून सहभाग घ्यावा, असे आवाहन महाविद्यालयाच्या प्राचार्या यांनी केले आहे.
पाच वर्षांच्या अभ्यासक्रमाची मुख्य CET परीक्षा 28 एप्रिल 2025 पासून आणि तीन वर्षांच्या अभ्यासक्रमाची परीक्षा 4 मे 2025 पासून सुरू होणार आहे. त्यामुळे परीक्षेपूर्वी सराव करून आपल्या तयारीचा आढावा घेण्यासाठी ही मॉक टेस्ट विद्यार्थ्यांसाठी अत्यंत उपयुक्त ठरणार आहे.
विद्यार्थ्यांनी अधिकाधिक संख्येने उपस्थित राहून या संधीचा लाभ घ्यावा, असे आवाहन प्राचार्य यांनी केले आहे.
Author: ICHMH51 NEWS ABHIJIT PATWA
घडामोडी वस्त्रनगरीच्या... इचलकरंजी शहरातील चालू घडामोडी, ब्रेकिंग न्यूज आपल्याला समजाव्यात यासाठी हे पोर्टल सुरू केले असून नागरी समस्यांना वाचा फोडून त्या मार्गी लावण्यासाठी आम्ही प्रयत्नशील आहोत. अधिक माहिती,बातम्या व जाहिरातीसाठी संपर्क- अभिजित राजेंद्र पटवा,इचलकरंजी. 9921600800
