पोलीस ठाण्याच्या आवारातच महिलांचा गोंधळ, ७ जणींविरोधात गुन्हा दाखल

पोलीस ठाण्याच्या आवारातच महिलांचा गोंधळ, ७ जणींविरोधात गुन्हा दाखल

इचलकरंजी

इचलकरंजी शहरातील पोलीस ठाण्याच्या आवारातच सात महिलांनी सार्वजनिक शांतता भंग केली असून, त्यांच्या विरोधात गुन्हा दाखल करण्यात आला आहे.

पोलिसांनी दिलेल्या माहितीनुसार, जिल्ह्यात जमावबंदी आदेश लागू असतानाही यातील आरोपी महिला — पद्मजा इंगवले, सुदर्शना उर्फ गंगा कांबळे, अश्विनी कुबडगे, यास्मिन सनदी, जोस्ना भिसे, सावित्री हजारे व सपना भिसे (सर्व रा. इचलकरंजी, ता. हातकणंगले, जि. कोल्हापूर) — यांनी पोलीस ठाण्यात येऊन मोठमोठ्याने ओरडून एकमेकींना शिवीगाळ केली व मारहाण केली.

फिर्यादी पोलीस अंमलदार रामा सुर्यकांत पाटील यांनी दिलेल्या माहितीनुसार, या प्रकारामुळे ठिकाणी गोंधळाचे व दहशतीचे वातावरण निर्माण झाले होते. पोलिसांनी तत्काळ हस्तक्षेप करत महिलांना नियंत्रणात घेतले आणि याप्रकरणी इचलकरंजी पोलीस ठाण्यात गुन्हा दाखल करण्यात आला आहे.या गुन्ह्याचा तपास पोलीस उपनिरीक्षक कोळेकर करत आहेत.