यंत्रमागधारकांनी पेमेंटधारेनुसार काम करावे-पॉवरलुम असोसिएशन.

यंत्रमागधारकांनी पेमेंटधारेनुसार काम करावे-पॉवरलुम असोसिएशन.

इचलकरंजी

इचलकरंजीतील सर्व यंत्रमागधारकांना कळविणेत येते की, दि इचलकरंजी पॉवरलुम विव्हर्स को-ऑप. असोसिएशनने मागे सर्व प्रकारच्या कापडाची पेमेंटधारा ठरवून दिलेली आहे. त्या पेमेंटधारेप्रमाणेच सर्व यंत्रमागधारकांनी कापड विक्री करावी. त्याचबरोबर नोंदणीकृत अडते व दलालांमार्फत व्यवहार करावेत. पुन्हा एकदा दिवाळखोरीचे प्रकार सुरू झालेले आहेत. त्यामुळे यंत्रमागधारकांनी काळजी घेणे गरजेचे आहे. यंत्रमागधारकांनी परस्पर काम करून नये व ठरवून दिलेल्या पेमेंटधारेपेक्षा जास्त दिवसांची पेमेंटधारा मान्य करू नये. जितके पेमेंटचे दिवस जास्तीचे तेवढी रिस्क व फसवणूक होणेची शक्यता जास्त आहे. कांही परगावातील केंद्रातील व्यापारी जादा दराने खरेदीचे आमिष दाखवून पहिले कांही सौदे अचुक पेमेंट करून विश्वास संपादन करीत आहेत. व नंतर मोठ्या प्रमाणात ग्रे कापड खरेदी करून पुढे ग्रे कापड खरेदी दरापेक्षा कमी दराने विकत आहेत असे निदर्शनास आले आहे.

तरी सर्व यंत्रमागधारकांनी सावधगिरीने व विश्वासू आडते, ट्रेडर आणि दलाल यांच्याबरोबर व्यवहार करावे असे आवाहन दि इचलकरंजी पॉवरलुम विव्हर्स को-ऑप. असोसिएशनचे अध्यक्ष चंद्रकांत पाटील यांनी प्रसिद्धीपत्रकाद्वारे केलेले आहे.