इचलकरंजी इंदिरा गांधी सामान्य रुग्णालयाच्या समस्या सोडवण्यासाठी मुंबईत विशेष बैठक – आ. राहुल आवाडे

इचलकरंजी

 इचलकरंजी येथील इंदिरा गांधी सामान्य रुग्णालयातील दीर्घकालीन समस्या,अपुऱ्या कर्मचारी व सुविधा व  रुग्णसेवेतील अडचणी आदी मुद्द्यांवर ठोस निर्णय घेण्यासाठी राज्याचे सार्वजनिक आरोग्य व कुटुंब कल्याण मंत्री मा. प्रकाश आबिटकर यांच्या अध्यक्षतेखाली  विशेष बैठक आयोजित करण्यात आली आहे. ही बैठक सोमवार, दि. १४ जुलै २०२५ रोजी दुपारी ३.३० वा. दालन क्र. ०३४, विधानभवन, मुंबई येथे होणार आहे.

या संदर्भात माहिती देताना इचलकरंजीचे आमदार मा. राहुल आवाडे यांनी सांगितले की, “इचलकरंजी रुग्णालयाच्या विविध तांत्रिक अडचणी, अत्यावश्यक सुविधा, वैद्यकीय कर्मचारी व सोयीसुविधा यावर गेल्या अनेक महिन्यांपासून पाठपुरावा सुरू आहे. त्यासंदर्भात मंत्र्यांच्या अध्यक्षतेखाली होणाऱ्या या बैठकीत महत्त्वाचे निर्णय अपेक्षित आहेत.”

Advt

बैठकीस आ. राहुल प्रकाश आवाडे यांच्यासहसचिव, सार्वजनिक आरोग्य विभाग, मंत्रालय, मुंबई,आयुक्त आरोग्य सेवा, मुंबई, संचालक व सहसंचालक (रुग्णालये), सहसंचालक (अर्थ व प्रशासन),अधीक्षक अभियंता (पा.सु.वि.क), आरोग्य सेवा, मुंबई यांच्यासह संबंधित अधिकारी उपस्थित राहणार आहेत.