महापौर निवडणुकीसाठी शिव शाहू विकास आघाडीचा प्रत्येकी एक अर्ज
इचलकरंजी :
इचलकरंजी महानगरपालिकेची महापौर व उपमहापौर निवडणूक सोमवार, दि. ९ फेब्रुवारी रोजी होणार आहे. या निवडणुकीसाठी उमेदवारी अर्ज भरण्याची अंतिम मुदत दि. ६ फेब्रुवारी निश्चित करण्यात आली आहे.
या पार्श्वभूमीवर शिव शाहू विकास आघाडीने महापौर व उपमहापौर पदासाठी प्रत्येकी एक असे दोन अर्ज नेले आहेत. नगरसेवक सयाजी चव्हाण यांनी आज निवडणूक विभागाकडून हे अर्ज स्वीकारले.
महापौर व उपमहापौर पदासाठी उमेदवार निश्चित करण्याच्या दृष्टीने हालचालींना वेग आला असून, आगामी निवडणुकीकडे शहरातील राजकीय वर्तुळाचे लक्ष लागून राहिले आहे.
