सुरेशराव हाळवणकर यांच्या वाढदिवसानिमित्त २५ हजार वह्या व पुस्तकांचे वाटप

इचलकरंजी:

भाजपचे ज्येष्ठ नेते व माजी आमदार मा. सुरेशरावजी हाळवणकर यांच्या वाढदिवसानिमित्त आयोजित सेवा सप्ताहांतर्गत महानगरपालिका शाळांतील गरजू विद्यार्थ्यांना सुमारे २५ हजार वह्या व पुस्तकांचे वाटप करण्यात येणार आहे. शैक्षणिक मदतीच्या या उपक्रमातून विद्यार्थ्यांना आवश्यक साहित्य उपलब्ध करून देण्याचा प्रयत्न करण्यात येणार आहे. वाढदिवसानिमित्त हार-तुरे व बुके न आणता वह्या व पुस्तके भेट स्वरूपात द्यावीत आणि ती भाजपा कार्यालयात जमा करावीत, असे आवाहन भाजपा पश्चिम मंडलाचे शहराध्यक्ष शशिकांत मोहिते यांनी केले आहे.