ओपन स्पेसमध्ये बेकायदेशीर बांधकाम केल्याचा मोहन कुंभार यांचा आरोप.
इचलकरंजी:
इचलकरंजी येथील महादेव नगर परिसरात नियमबाह्य व बेकादेशीपणे मंजूर झालेल्या सुधारित रेखांकन असलेल्या जागेवर ओपन स्पेस मध्ये असलेली विहीर विना परवाना मुजवण्यात आली आहे तसेच बंगला बांधण्यात आलेला आहे याबाबतची तक्रार माजी नगरसेवक मोहन कुंभार यांनी महापालिकेकडे पुराव्यासाहित केली आहे.
ओपन स्पेस मध्ये बंगला बांधता येत नाही. शहरातील एका बिल्डर पत्नीच्या नावे सदर जागा असून नियमाची पायमल्ली केलेल्या बिल्डरवर कारवाई करण्यात यावी याबाबत त्यांनी महापालिकेकडे मागणी केली आहे. सुधारित रेखांकनाच्या मंजुरी वेळी सादर केलेल्या संमती पत्रावरील सह्या या बनावट असल्याचा संशय त्यांनी व्यक्त केला.खरेदीपत्र व संमतीपत्र यातील सह्या फरक असलेले पुरावे त्यांनी पत्रकार परिषदेत दिले.यावर १४ ऑगस्ट पर्यत कारवाई न झाल्यास आत्मदहन करण्याचा इशारा त्यांनी दिला आहे.
२२ पैकी आठ भूखंड धारकांच्या सह्या या खरेदी पत्रामध्ये वेगळ्या व संमती पत्रामध्ये वेगळ्या असून त्यांचे परस्पर हा कारभार झाला असल्याचा संशय त्यांनी व्यक्त केला. याप्रकरणी एका बिल्डरच्या पत्नीच्या नावे ही जागा असून त्याच्यावर चालू असलेले बांधकाम थांबवावे व भूखंड महापालिकेने ताब्यात घ्यावा अन्यथा १५ ऑगस्ट नंतर आत्माधन करणार असल्याचा इशारा त्यांनी दिला.
उपायुक्त काटकर यांच्याशी चर्चा,नोटिसा काढण्याचे आदेश.
याप्रकरणी तक्रारदार मोहन कुंभार यांची दुपारी इचलकरंजी महापालिका उपायुक्त प्रसाद काटकर यांच्याशी चर्चा झाली असुन त्यांनी सदर ८ भूखंडधारक यांना नोटीसा काढून त्यांचे म्हणणे मागवून घेऊन २१ तारखेस सुनावणी घेण्याचे आदेश नगररचनाकार प्रशांत भोसले यांना दिल्याचे तक्रारदार मोहन कुंभार यांनी सांगितले.
Author: ICHMH51 NEWS ABHIJIT PATWA
घडामोडी वस्त्रनगरीच्या... इचलकरंजी शहरातील चालू घडामोडी, ब्रेकिंग न्यूज आपल्याला समजाव्यात यासाठी हे पोर्टल सुरू केले असून नागरी समस्यांना वाचा फोडून त्या मार्गी लावण्यासाठी आम्ही प्रयत्नशील आहोत. अधिक माहिती,बातम्या व जाहिरातीसाठी संपर्क- अभिजित राजेंद्र पटवा,इचलकरंजी. 9921600800
